അന്ധവിശ്വാസങ്ങളും ആഭിചാരക്രിയകളും ഒഴിവാക്കാൻ നിയമ നിർമാണം നടത്തും: മന്ത്രി ആര്‍ ബിന്ദു

ഇലന്തൂരില്‍ നരബലി നടത്തിയ കുറ്റവാളികള്‍ക്കെതിരെ മാതൃകാപരമായ ശിക്ഷനടപടികൾ സ്വീകരിക്കണമെന്ന് മന്ത്രി ആര്‍ ബിന്ദു പറഞ്ഞു. അനാചാരങ്ങള്‍ക്കെതിരെ പ്രതിഷേധിക്കണമെന്നും മന്ത്രി

തിരുവനന്തപുരം:പത്തനംതിട്ട ഇലന്തൂരിൽ നരബലിയിലൂടെ രണ്ട് സ്ത്രീകളെ കൊലപ്പെടുത്തിയ സംഭവത്തിൽ കുറ്റവാളികൾക്കെതിരെ മാതൃകാപരമായ ശിക്ഷനടപടികൾ സ്വീകരിക്കണമെന്ന് മന്ത്രി ഡോ ആർ ബിന്ദു. അന്ധവിശ്വാസങ്ങളും ആഭിചാരക്രിയകളും ഒഴിവാക്കാൻ നിയമ നിർമാണത്തെക്കുറിച്ച് ആലോചിക്കുമെന്നും മന്ത്രി തിരുവനന്തപുരത്ത് പറഞ്ഞു.

കേരളത്തിൽ മുമ്പ് നിലനിന്നിരുന്ന അനാചാരങ്ങളും ദുരാചാരങ്ങളും വീണ്ടും പ്രതിഷ്‌ഠിക്കാനുള്ള ശ്രമം നടക്കുകയാണ്. ഇതിനെതിരെ പ്രബുദ്ധ കേരളം വലിയ പ്രതിഷേധങ്ങൾ നടത്തണം. അന്ധവിശ്വാസങ്ങൾക്ക് ഇരകളാകുന്നത് സ്ത്രീകൾ ആണെന്നത് ദൗർഭാഗ്യകരമാണെന്നും മന്ത്രി പറഞ്ഞു.