തിരുവനന്തപുരം :കൊവിഡാനന്തരം സ്‌കൂളുകൾ തുറക്കുമ്പോൾ യാത്രാസൗകര്യം ഉറപ്പാക്കാൽ 650 പുതിയ ബസുകൾ കെഎസ്ആർടിസി ഇറക്കുമെന്ന് ഗതാഗതമന്ത്രി ആന്‍റണി രാജു. മുഴുവൻ വിദ്യാർഥികൾക്കും യാത്രാസൗകര്യം ഒരുക്കുക എന്നതാണ് വകുപ്പ് ലക്ഷ്യമിടുന്നതെന്നും ഗതാഗത മന്ത്രി പറഞ്ഞു.
വിദ്യാർഥികളുടെ യാത്രയ്ക്ക് പ്രോട്ടോക്കോൾ തയ്യാറാക്കിയിട്ടുണ്ട്. സ്‌കൂൾ തുറക്കുന്ന നവംബർ ഒന്നിനുമുൻപ് തന്നെ എല്ലാ ക്രമീകരണങ്ങളും പൂർത്തിയാക്കുമെന്നും ഗതാഗതമന്ത്രി നിയമസഭയെ അറിയിച്ചു.
എല്ലാ വിദ്യാർഥികൾക്കും യാത്രാസൗകര്യം ഉറപ്പാക്കും, പുതുതായി 650 കെഎസ്ആർടിസി ബസുകൾ ഇറക്കും: ആന്‍റണി രാജു
സ്‌കൂൾ വാഹനങ്ങളുടെ യാന്ത്രികക്ഷമത ഉറപ്പാക്കാൻ നിർദേശം നൽകിയിട്ടുണ്ട്. സ്‌കൂൾ വാഹനങ്ങളുടെ നികുതി രണ്ടുവർഷത്തേക്ക് ഒഴിവാക്കിയിട്ടുണ്ട്. ഇതുകൂടാതെ ബസ് ഓൺ ഡിമാൻഡ് അടിസ്ഥാനത്തിൽ സ്‌കൂളുകൾ ആവശ്യപ്പെട്ടാൽ കെഎസ്ആർടിസി ബോണ്ട് സർവീസ് നടത്തും.