കുലശേഖരം പാലം നിര്‍മാണം ഉടൻ പൂര്‍ത്തിയാവും

വട്ടിയൂര്‍ക്കാവ്, കാട്ടാക്കട മണ്ഡലങ്ങളെ തമ്മിൽ ബന്ധിപ്പിക്കുന്നതാണ് കുലശേഖരം പാലം.

തിരുവനന്തപുരം:കുലശേഖരം പാലത്തിന്‍റെ നിര്‍മ്മാണം എത്രയും വേഗത്തില്‍ പൂര്‍ത്തിയാക്കുമെന്ന് മന്ത്രി മുഹമ്മദ് റിയാസ്. തിരുവനന്തപുരം ജില്ലയിലെ വട്ടിയൂര്‍ക്കാവ്, കാട്ടാക്കട മണ്ഡലങ്ങളെ തമ്മിൽ ബന്ധിപ്പിക്കുന്നതാണ് കുലശേഖരം പാലം. നിര്‍മാണ പുരോഗതി വിലയിരുത്താന്‍ മന്ത്രി സ്ഥലം സന്ദര്‍ശിച്ചു.

വട്ടിയൂര്‍ക്കാവ് എംഎല്‍എ വി.കെ.പ്രശാന്ത്, കാട്ടാക്കട എംഎല്‍എ ഐ.ബി സതീഷ് എന്നിവരും മറ്റ് ഉദ്യോഗസ്ഥരും മന്ത്രിക്കൊപ്പമുണ്ടായിരുന്നു. കണക്കൂട്ടിയതിനും ഒരുമാസം മുമ്പ് തന്നെ പാലം പൂര്‍ത്തിയാക്കാന്‍ കഴിയുമെന്നും ഇതിനായി എല്ലാ മാസവും അവലോകനയോഗം നടത്തുമെന്നും മന്ത്രി പറഞ്ഞു.