തിരുവനന്തപുരം: കഴിഞ്ഞ 15 മാസത്തെ പ്രവര്‍ത്തനം വ്യക്തിപരമായി മികച്ച അനുഭവമെന്ന് സ്‌പീക്കര്‍ സ്ഥാനമൊഴിഞ്ഞ എം ബി രാജേഷ്. ഭരണപക്ഷത്തിനും പ്രതിപക്ഷത്തിനും തുല്യ പരിഗണനയും സമീപനവും നല്‍കി. ഗവണ്‍മെന്‍റ് ബിസിനസുകള്‍ നടത്തിക്കൊടുക്കേണ്ട ഉത്തരവാദിത്തം സ്‌പീക്കര്‍ക്കുള്ളപ്പോഴും പ്രതിപക്ഷത്തിന്‍റെ ശബ്‌ദം സഭയില്‍ ഉറപ്പുവരുത്തിയെന്ന് എം ബി രാജേഷ് പറഞ്ഞു.
മുൻ സ്‌പീക്കർ എം ബി രാജേഷ് മാധ്യമങ്ങളോട്...
മുഖ്യമന്ത്രിയും പ്രതിപക്ഷ നേതാവും സഭ നടത്തിക്കൊണ്ടു പോകുന്നതില്‍ നല്‍കിയ പിന്തുണയും സഹകരണവും നിര്‍ണായകമായിരുന്നു. ഡെപ്യൂട്ടി സ്‌പീക്കറും മുന്‍ പ്രതിപക്ഷ നേതാവും നല്‍കിയ സഹായവും വിസ്‌മരിക്കാനാവില്ല. സ്‌പീക്കര്‍ ആയിരുന്നപ്പോഴും രാഷ്‌ട്രീയം പറഞ്ഞിട്ടുണ്ടെന്നും എം ബി രാജേഷ്.