മട്ടന്നൂരില്‍ അംഗബലം ഇരട്ടിയാക്കി യുഡിഎഫ് കുതിപ്പ്, ഇടതുകോട്ടയില്‍ എല്‍ഡിഎഫില്‍ നിന്ന് പിടിച്ചെടുത്തത് എട്ട് വാര്‍ഡുകള്‍

കഴിഞ്ഞ തവണത്തേക്കാള്‍ ഏഴ് സീറ്റ് നേടാന്‍ ഇത്തവണ യുഡിഎഫിനായി. എട്ട് വാര്‍ഡുകള്‍ പിടിച്ചെടുത്തപ്പോള്‍ കഴിഞ്ഞ തവണ ജയിച്ച ഒരിടത്ത് തോല്‍വി നേരിട്ടു

തിരുവനന്തപുരം : ഇടതുകോട്ടയായ മട്ടന്നൂരിലെ നഗരസഭ തെരഞ്ഞെടുപ്പില്‍ അംഗബലം ഇരട്ടിയാക്കിയാണ് യുഡിഎഫ് കുതിപ്പ്.ആകെയുള്ള 35 സീറ്റുകളില്‍ എല്‍.ഡി.എഫ് 21 സീറ്റിലും യു.ഡി.എഫ് 14 സീറ്റിലും വിജയിച്ചു. അതേസമയം ഒറ്റ സീറ്റ് പോലും നേടാന്‍ എന്‍.ഡി.എക്കായില്ല.

2017 ലേതിനേക്കാള്‍ ഏഴ് സീറ്റുകള്‍ അധികം നേടിയ യു.ഡി.എഫ് 14 വാര്‍ഡുകള്‍ തങ്ങളുടെ പക്ഷത്താക്കി. ഭരണം എല്‍.ഡി എഫ് നിലനിര്‍ത്തിയെങ്കിലും അവരില്‍ നിന്ന് പുതുതായി എട്ട് വാര്‍ഡുകളാണ് യുഡിഎഫ് പിടിച്ചെടുത്തത്. കഴിഞ്ഞ തവണത്തെ ഒരു വാര്‍ഡ് യുഡിഎഫിന് നഷ്ടമാവുകയും ചെയ്‌തു.എല്‍.ഡി എഫിന്‍റെ ശക്തികേന്ദ്രങ്ങളായ പൊറോറ എളന്നൂര്‍, ആമിക്കര വാര്‍ഡുകള്‍ ഇത്തവണ യുഡിഎഫ് പിടിച്ചെടുത്തവയിലുണ്ട്.

വാര്‍ഡ്	സ്ഥാനാര്‍ഥി	പാര്‍ട്ടി	ഭൂരിപക്ഷം	മുന്‍ വിജയി
മണ്ണൂര്‍	പി.രാഘവന്‍ മാസ്റ്റര്‍	കോണ്‍ഗ്രസ്	71	കോണ്‍ഗ്രസ്
പൊറോറ	കെ.പ്രിയ	കോണ്‍ഗ്രസ്	63	സി.പി.എം
ഏളന്നൂര്‍	അഭിനേഷ്.കെ	കോണ്‍ഗ്രസ്	46	സി.പി.എം
കീച്ചേരി	സ്‌നേഹ.ഒ.കെ	സി.പി.എം	178	സി.പി.എം
ആണിക്കാരി	ഉമൈബ	മുസ്ലിം ലീഗ്	255	സ്വതന്ത്യന്‍
കല്ലൂര്‍	കെ.മജീദ്	സി.പി.എം	264	സി.പി.എം
കളറോഡ്	അബ്ദുള്‍ ജലീല്‍.പി.പി	മുസ്ലിം ലീഗ്	162	സി.പി.എം
മുണ്ടയോട്	ശ്രീജ.പി	സി.പി.എം	4	സി.പി.എം
പെരുവയല്‍ക്കരി	സി.ശ്രീലത	സി.പി.എം	225	സി.പി.എം
ബേരം	എം.അഷറഫ്	മുസ്ലിം ലീഗ്	9	മുസ്ലിം ലീഗ്
കായലൂര്‍	ഇ.ശ്രീജേഷ്	സി.പി.എം	340	സി.പി.എം
കോളാരി	അനിത.പി	സി.പി.എം	33	സി.പി.എം
പരിയാരം	സിജില്‍ ടി.കെ	സി.പി.എം	112	സി.പി.എം
അയ്യല്ലൂര്‍	കെ.ശ്രീന	സി.പി.എം	546	സി.പി.എം
ഇടവേലിക്കല്‍	രജത.കെ	സി.പി.എം	580	സി.പി.എം
പഴശി	പി.ശ്രീനാഥ്	സി.പി.എം	336	സി.പി.എം
ഉരുവച്ചാല്‍	കെ.കെ.അഭിമന്യു	സി.പി.എം	269	സി.പി.എം
കരേറ്റ	പ്രസീന.പി	സി.പി.ഐ	293	സി.പി.ഐ
കഴിക്കല്‍	എം.ഷീബ	സി.പി.എം	132	സി.പി.എം
കയനി	രഞ്ജിത്.എം	സി.പി.എം	53	കോണ്‍ഗ്രസ്
പെരിഞ്ചേരി	മിനി രാമകൃഷ്ണന്‍	കോണ്‍ഗ്രസ്	42	സി.പി.എം
ദേവര്‍കാട്	പ്രീത.ഒ	സി.പി.എം	242	സി.പി.എം
കാര	പ്രമിജ.പി	സി.പി.എം	461	സി.പി.എം
നെല്ലുന്നി	എന്‍. ഷാജിത്ത്	സി.പി.എം	388	സി.പി.എം
ഇല്ലംഭാഗം	പി.രജിന	കോണ്‍ഗ്രസ്	36	സി.പി.എം
മലക്കുതാഴെ	വി.എം.സീമ	സി.പി.എം	423	സി.പി.എം
എയര്‍പോര്‍ട്ട്	നിഷ.പി.കെ	സി.പി.എം	306	സി.പി.എം
മട്ടന്നൂര്‍	സുജിത	കോണ്‍ഗ്രസ്	214	കോണ്‍ഗ്രസ്
ടൗണ്‍	കെ.വി.പ്രശാന്ത്	കോണ്‍ഗ്രസ്	12	കോണ്‍ഗ്രസ്
പാലോട്ടുപള്ളി	പ്രജീല.പി	മുസ്ലിം ലീഗ്	237	മുസ്ലിം ലീഗ്
മിനിനഗര്‍	വി.എന്‍.മുഹമ്മദ്	മുസ്ലിം ലീഗ്	15	മുസ്ലിം ലീഗ്
ഉത്തിയൂര്‍	വി.കെ.സുഗതന്‍	സി.പി.എം	127	സി.പി.എം
മരുതായി	അജിത്കുമാര്‍.സി	കോണ്‍ഗ്രസ്	85	ജനതാദള്‍ എസ്
മേറ്റടി	അനിത.സി	കോണ്‍ഗ്രസ്	13	സി.പി.എം
നാലാങ്കേരി	സി.പി.വാഹിദ	മുസ്ലിം ലീഗ്	45	മുസ്ലിം ലീഗ്

എല്‍.ഡി.എഫിന്‍റെ കൈവശമുണ്ടായിരുന്ന പൊറോറ, എളന്നൂര്‍, ആണിക്കരി, കളറോഡ്, പെരിഞ്ചേരി, ഇല്ലംഭാഗം, മരുതായി, മേറ്റടി എന്നീ വാര്‍ഡുകളാണ് എല്‍.ഡി.എഫില്‍ നിന്ന് യു.ഡി.എഫ് പിടിച്ചെടുത്തത്. കയനി വാര്‍ഡ് കോണ്‍ഗ്രസില്‍ നിന്ന് എല്‍.ഡി.എഫ് പിടിച്ചെടുത്തു. മുണ്ടയോട് വാര്‍ഡ് വെറും 4 വോട്ടിന്റെ ഭൂരിപക്ഷത്തിനാണ് സി.പി.എം നിലനിര്‍ത്തിയത്.