തിരുവനന്തപുരം:സംസ്ഥാനത്ത് കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായി മാസ്‌ക് നിര്‍ബന്ധമാക്കി സംസ്ഥാന സര്‍ക്കാര്‍. പൊതുസ്ഥലങ്ങളിലും ജോലി സ്ഥലത്തും മാസ്‌ക് നിര്‍ബന്ധമാക്കിയിട്ടുണ്ട്. ഇത് കൂടാതെ പൊതുജനങ്ങൾക്ക് പ്രവേശനമുള്ള എല്ലാ ഇടങ്ങളിലും ഒന്നിച്ചുകൂടുന്ന സാഹചര്യങ്ങളിലും മാസ്‌ക് നിര്‍ബന്ധമാണ്.
പൊതുഗതാഗത സംവിധാനമുള്‍പ്പെടെ എല്ലാ വാഹനയാത്രയിലും മാസ്‌ക് ധരിക്കണം. കൂടാതെ സാനിറ്റെസര്‍ ഉപയോഗത്തിലും സര്‍ക്കാര്‍ നിര്‍ദേശങ്ങൾ പുറപ്പെടുവിച്ചിട്ടുണ്ട്. കടകള്‍, തിയറ്ററുകള്‍ എന്നിവിടങ്ങളില്‍ സ്ഥാപന ഉടമകള്‍ സാനിറ്റൈസര്‍ അല്ലെങ്കില്‍ കൈകഴുകുന്നതിനുള്ള സംവിധാനം ഒരുക്കണം. പൊതുസ്ഥലങ്ങളിലും ചടങ്ങുകളിലും സാനിറ്റൈസര്‍ സംവിധാനം ഉറപ്പാക്കുകയും സാമൂഹിക അകലം പാലിക്കുകയും ചെയ്യണമെന്ന് സര്‍ക്കാര്‍ ഉത്തരവില്‍ വ്യക്തമാക്കിയിട്ടുണ്ട്.