തിരുവനന്തപുരം: ഉഴമലയ്ക്കല്‍ പഞ്ചായത്തിലെ മങ്ങാട്ടുപാറയ്ക്ക് സമീപത്തുള്ളവര്‍ ആശങ്കയിലാണ്. 15 ഏക്കർ ഭൂമി സ്വകാര്യ വ്യക്തിക്ക് ഖനനത്തിന് പത്ത് വര്‍ഷത്തേക്ക് ജില്ലാ കലക്ടര്‍ അനുമതി നല്‍കിയതാണ് പ്രദേശത്തെ ആകെ ഭീതിയിലാക്കുന്നത്. തഹസില്‍ദാരുടെ റിപ്പോര്‍ട്ടിൻ്റെ അടിസ്ഥാനത്തിലാണ് റവന്യു ഭൂമിയായ മങ്ങാട്ടുപാറ സ്വകാര്യ വ്യക്തിക്ക് ഖനനത്തിനായി പത്ത് വര്‍ഷത്തേക്ക് ലീസിനു നല്‍കാന്‍ ജില്ലാ കളക്ടര്‍ അനുമതി നല്‍കിയത്. എന്നാല്‍ ഗാഡ്ഗില് റിപ്പോര്‍ട്ടില്‍ പരാമര്‍ശിച്ചിട്ടുള്ള അതീവ പരിസ്ഥിതി ലോലപ്രദേശമായ മങ്ങാട്ടുപാറയില്‍ ഖനനം നടത്തിയാല്‍ കവളപ്പാറയും പുത്തുമലയും ആവര്‍ത്തിക്കുമെന്ന ആശങ്കയിലാണ് നാട്ടുകാര്‍.
മങ്ങാട്ടുപാറ റവന്യു ഭൂമി ഖനനത്തിന്; പ്രതിഷേധവുമായി നാട്ടുകാർ