തിരുവനന്തപുരം : 62 കുപ്പി വിദേശമദ്യവുമായി യുവാവ് വാമനപുരം എക്‌സൈസ് സംഘത്തിന്‍റെ പിടിയിൽ. മാണിക്കൽ വില്ലേജിൽ പ്ലാക്കീഴ് അംബേദ്‌കർ കോളനി സുമയ്യഭവനിൽ റിയാസിനെയാണ് അറസ്റ്റ് ചെയ്‌തത്.
ഇയാൾ വെമ്പായം പെട്രോൾ പമ്പിന് സമീപത്തുവച്ച് പൾസർ ബൈക്കിൽ മദ്യക്കച്ചവടം നടത്തിവരികയായിരുന്നു. ഇൻസ്പെക്ടർ ജി. മോഹൻകുമാറിന് ലഭിച്ച രഹസ്യവിവരത്തിന്‍റെ അടിസ്ഥാനത്തിലാണ് പ്രതിയെ പിടികൂടിയത്.
തമിഴ്‌നാട്ടിൽ നിന്നും മദ്യം എത്തിച്ച് വിൽപ്പന
പ്രതിയുടെ വീട്ടിൽ നടത്തിയ പരിശോധനയിലാണ് മദ്യം കണ്ടെത്തിയത്. ഇയാൾ മദ്യ വിൽപ്പനയ്‌ക്ക് ഉപയോഗിച്ചിരുന്ന ആക്‌ടീവ സ്‌കൂട്ടറും കസ്റ്റഡിയിൽ എടുത്തു. ലോക്ക്ഡൗണ്‍ സമയത്ത് തമിഴ്‌നാട്ടിൽ നിന്നും വൻതോതിൽ മദ്യം വാങ്ങി ഇവിടെ എത്തിച്ചാണ് പ്രതി കച്ചവടം നടത്തിവന്നത്.