തിരുവനന്തപുരം: തിരുവനന്തപുരത്ത് യുവാവിന് ക്രൂരമർദനം (Man beaten up). പുത്തൻതോപ്പ് സ്വദേശീ എച്ച് അനസ് ആണ് മൂന്നംഗ സംഘത്തിന്‍റെ ക്രൂരമർദനത്തിന് ഇരയായത്. അനസിനെ മർദിക്കുന്ന സിസിടിവി ദൃശ്യങ്ങൾ (CCTV) പുറത്ത് വന്നിട്ടുണ്ട്. സംഭവത്തിൽ ഫൈസൽ എന്നയാൾക്കും കണ്ടാലറിയാവുന്ന മറ്റു രണ്ടുപേർക്കുമെതിരെ മംഗലാപുരം പൊലീസ് കേസെടുത്തു.
ഞായറാഴ്ച രാത്രി പത്തുമണിയോടെ പടിഞ്ഞാറ്റുമുക്കിനു സമീപം തെക്കതു നടയിലാണ് സംഭവം. ഭക്ഷണം വാങ്ങാനായി എത്തിയതായിരുന്നു അനസ്. മൂന്നംഗ സംഘത്തിലെ ഒരാളാണ് കൂടുതൽ മർദിച്ചത്. മർദനമേറ്റ് തറയിൽ വീണ അനസിനെ പല തവണ വീണ്ടും മർദിക്കുന്നത് സിസിടിവി ദൃശ്യങ്ങളിൽ വ്യക്തമാണ്. നാട്ടുകാരാണ് ഇയാളെ ആംബുലൻസിൽ മെഡിക്കൽ കോളജിലെത്തിച്ചത്. തലയ്ക്ക് ഗുരുതരപരിക്കേറ്റ ഇയാളുടെ ഒരു പല്ലും നഷ്ടപ്പെട്ടു.
തിരുവനന്തപുരത്ത് യുവാവിന് ക്രൂര മർദനം