തിരുവനന്തപുരം: നെയ്യാറ്റിൻകരയിൽ വിസ തട്ടിപ്പ് നടത്തിയ പ്രതി പിടിയിൽ. മലേഷ്യയിൽ ജോലി വാഗ്‌ദാനം ചെയ്ത് രണ്ടുലക്ഷം രൂപ തട്ടിയ കേസിൽ ചേർത്തല സ്വദേശി ശ്യാമിനെയാണ് നെയ്യാറ്റിൻകര പൊലീസ് അറസ്റ്റുചെയ്‌തത്. നെയ്യാറ്റിൻകര സ്വദേശി ബിച്ചുവിന്‍റെ പരാതിയുടെ അടിസ്ഥാനത്തിലാണ് അറസ്റ്റ്.
ബിച്ചുവിന് മലേഷ്യയിൽ ജോലി വാഗ്‌ദാനം ചെയ്ത് രണ്ടുലക്ഷം രൂപ ശ്യാം തട്ടിയെടുത്തിരുന്നു. തുടർന്ന് ജനുവരിയിൽ ബിച്ചു പൊലീസിൽ പരാതി നൽകി. എന്നാൽ ശ്യാമിനു വേണ്ടി പൊലീസ് തെരച്ചിൽ നടത്തിയെങ്കിലും കണ്ടെത്താനായില്ല. തുടർന്ന് സൈബർ പൊലീസിന്‍റെ സഹായത്തോടുകൂടിയാണ് പ്രതിയെ ചേർത്തലയിൽ നിന്ന് പിടികൂടിയത്.