സ്‌കൂൾ കുട്ടികൾക്കിടയിൽ കഞ്ചാവ് വിൽപ്പന നടത്തിവന്ന പ്രതി പിടിയിൽ

സ്‌കൂൾ കുട്ടികൾക്കിടയിൽ കഞ്ചാവ് വില്പന നടത്തുന്നതായി കിട്ടിയ രഹസ്യവിവരത്തെ തുടർന്ന് പൊലീസ് നടത്തിയ തിരച്ചിലിലാണ് പ്രതിയെ കഞ്ചാവുമായി പിടികൂടിയത്.

തിരുവനന്തപുരം: സ്‌കൂൾ കുട്ടികൾക്കിടയിൽ കഞ്ചാവ് വില്‍പന നടത്തിയിരുന്ന പ്രതിയെ കഴക്കൂട്ടം പൊലീസ് അറസ്റ്റ് ചെയ്യ്തു.കഠിനംകുളം ഫാത്തിമപുരം ആറ്റിരികത്ത് വീട്ടിൽ ലിബിൻ എന്ന മോൻസി (23) ആണ് പിടിയിലായത്. സ്‌കൂൾ കുട്ടികൾക്കിടയിൽ കഞ്ചാവ് വില്പന നടത്തുന്നതായി കിട്ടിയ രഹസ്യവിവരത്തെ തുടർന്ന് പൊലീസ് നടത്തിയ തെരച്ചിലിലാണ് പ്രതിയെ കഞ്ചാവുമായി പിടികൂടിയത്. കഴക്കൂട്ടം സർക്കിള്‍ ഇന്‍സ്പെക്ടർ ജെ. എസ്. പ്രവീണിന്‍റെ നേതൃത്വത്തിലുള്ള പൊലീസ് സംഘമാണ് പ്രതിയെ പിടികൂടിയത്.