തിരുവനന്തപുരം:എം.എ ലത്തീഫിനെ സസ്‌പെന്‍ഡ് ചെയ്ത കെ.പി.സി.സി തീരുമാനത്തില്‍ പ്രതിഷേധിച്ച് കോണ്‍ഗ്രസ് പ്രവര്‍ത്തകരുടെ പ്രതിഷേധ പ്രകടനം. ഗ്രൂപ്പ് പ്രവര്‍ത്തനം നടത്തിയതിനും സംഘടന വിരുദ്ധ പ്രവര്‍ത്തനങ്ങളും നടത്തിയെന്നാരോപിച്ചാണ് കെ.പി.സി.സി പ്രസിഡന്‍റ് കെ.സുധാകരന്‍ നടപടിയെടുത്തത്. കാരണം കാണിക്കല്‍ നോട്ടീസും നല്‍കിയിട്ടുണ്ട്.
എം.എ ലത്തീഫിന് സസ്‌പെന്‍ഷന്‍; പ്രതിഷേധിച്ച് കോണ്‍ഗ്രസ് പ്രവര്‍ത്തകരുടെ പ്രകടനം
മതിയായ കാരണം കാണിച്ചില്ലെങ്കില്‍ സംഘടനയില്‍ നിന്നും പുറത്താക്കുമെന്നാണ് നോട്ടീസില്‍ വ്യക്തമാക്കിയിരിക്കുന്നത്. ഈ നടപടിക്കെതിരെയാണ് പരസ്യ പ്രതിഷേധവുമായി പ്രവര്‍ത്തകര്‍ രംഗത്തെത്തിയിരിക്കുന്നത്. കോണ്‍ഗ്രസ്, യൂത്ത് കോണ്‍ഗ്രസ്, കെ.എസ്.യു, ഐ.എന്‍.ടി.യു.സി പ്രവര്‍ത്തകരാണ് തിരുവനന്തപുരത്ത് പ്രകടനം നടത്തിയത്. കനകക്കുന്ന് വളപ്പിലെ കെ കരുണാകരന്‍ സ്മൃതി മണ്ഡപത്തില്‍ പുഷ്പര്‍ച്ചന അര്‍പ്പിച്ചുകൊണ്ടാണ് പ്രവര്‍ത്തകര്‍ പ്രകടനം ആരംഭിച്ചത്.