മന്ത്രി എം.എം മണി ആശുപത്രിയില്‍

മന്ത്രിയുടെ ആരോഗ്യനില തൃപ്തികരമാണെന്നും കൂടുതല്‍ പരിശോധനകൾ ആവശ്യമുണ്ടെന്നും ആശുപത്രി അധികൃതർ അറിയിച്ചു.

തിരുവനന്തപുരം: തലച്ചോറിലെ രക്ത സ്രാവത്തെ തുടർന്ന് വൈദ്യുതി മന്ത്രി എം.എം മണിയെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. വൈകുന്നേരമാണ് ആശുപത്രിയിൽ പ്രവേശിപ്പിച്ചത്. ആരോഗ്യനില തൃപ്തികരമാണെന്നും കൂടുതൽ പരിശോധനകൾ നടത്തുമെന്നും ആശുപത്രി അധികൃതർ അറിയിച്ചു. തലച്ചോറിനും തലയോട്ടിക്കും ഇടയിലെ രക്തസ്രാവത്തെ തുടർന്ന് നേരത്തെ മന്ത്രി ചികിത്സയിലായിരുന്നു. തലയോട്ടിക്കുള്ളിൽ കട്ട പിടിച്ച രക്തം മാറ്റുന്നതിന് കഴിഞ്ഞ വർഷം ശസ്ത്രക്രിയയും നടത്തിയിരുന്നു.