തിരുവനന്തപുരം: ലോകായുക്ത നിയമഭേദഗതി ബില്‍ ഇന്ന് നിയമസഭ പാസാക്കും. നേരത്തെ സഭയില്‍ അവതരിപ്പിച്ച ബില്‍ സബ്‌ജക്‌ട് കമ്മറ്റിക്ക് വിട്ടിരുന്നു. സബ്‌ജക്‌ട് കമ്മറ്റിയുടെ നിര്‍ദേശങ്ങള്‍ കൂടിയടങ്ങിയ ബില്ലാണ് സഭയില്‍ ഇന്ന് പാസാക്കുക.
അഴിമതി കേസില്‍ ലോകായുക്ത വിധിയോടെ പൊതു പ്രവര്‍ത്തകര്‍ പദവി ഒഴിയണം എന്ന നിയമത്തിലെ പതിനാലാം വകുപ്പാണ് ഭേദഗതിയിലൂടെ ഒഴിവാക്കുന്നത്. നേരത്തെ സര്‍ക്കാര്‍ ഇത് സംബന്ധിച്ച് ഓര്‍ഡിനന്‍സ് ഇറക്കിയിരുന്നു. ഈ ഓര്‍ഡിന്‍സിന്‍റെ കാലാവധി കഴിഞ്ഞതിനെ തുടര്‍ന്ന് പുതുക്കിയറക്കിയെങ്കിലും ഇതില്‍ ഒപ്പിടില്ലെന്ന് ഗവര്‍ണര്‍ നിലപാടെടുത്തതോടെയാണ് ബില്ലായി സഭയില്‍ അവതരിപ്പിച്ചത്.