തിരുവനന്തപുരം :ലോക കേരളസഭ ബഹിഷ്‌കരിച്ച പ്രതിപക്ഷ നടപടി കണ്ണില്‍ ചോരയില്ലാത്തതെന്ന് മുഖ്യമന്ത്രി പിണറായി വിജയന്‍. കുടുംബത്തില്‍ നിന്നും നാട്ടില്‍ നിന്നും എന്ത് കിട്ടുന്നു എന്ന് നോക്കാതെ പണി എടുക്കുന്നവരാണ് പ്രവാസികള്‍. അവര്‍ നാടിന്‍റെ വികസനത്തെക്കുറിച്ച് ചിന്തിക്കുന്നവരാണ്. ബഹിഷ്‌കരിക്കാന്‍ വേറെ എന്തെല്ലാം വിഷയം കിടക്കുന്നുവെന്നും അദ്ദേഹം ചോദിച്ചു.
ലോക കേരളസഭ ബഹിഷ്‌കരിച്ച പ്രതിപക്ഷ നടപടിക്കെതിരെ മുഖ്യമന്ത്രി
ലോക കേരളസഭയുടെ സമാപനസമ്മേളനത്തില്‍ സംസാരിക്കുന്നതിനിടെയാണ് മുഖ്യമന്ത്രി പ്രതിപക്ഷത്തിനെതിരെ തിരിഞ്ഞത്. പ്രവാസികളുടെ പരിപാടി ബഹിഷ്‌കരിച്ച പ്രതിപക്ഷ നടപടി അപഹാസ്യമാണ്. 62 രാഷ്ട്രങ്ങളില്‍ നിന്നും 22 സംസ്ഥാനങ്ങളില്‍ നിന്നും എത്തിയ പ്രതിനിധികള്‍ പ്രകടിപ്പിച്ച ഐക്യവും മനപ്പൊരുത്തവും മനസിലാക്കപ്പെടാതെ പോകുന്നു.