മന്ത്രിസഭ യോഗം വ്യാഴാഴ്ച ചേരും ; ലോക്ക്‌ ഡൗൺ ഇളവുകൾ ചർച്ച

ലോക്ക് ഡൗണിൽ കൂടുതൽ ഇളവുകൾ നൽകുന്ന കാര്യത്തില്‍ തീരുമാനമുണ്ടാകും

തിരുവനന്തപുരം :കൊവിഡ്‌ നിയന്ത്രണങ്ങൾക്കെതിരെ വിവിധ മേഖലകളിൽ നിന്ന് പ്രതിഷേധം ശക്തമാകുന്നതിനിടെ മന്ത്രിസഭ യോഗം വ്യാഴാഴ്‌ച ചേരും.

ലോക്ക് ഡൗണിൽ കൂടുതൽ ഇളവുകൾ നൽകുന്ന കാര്യം യോഗം ചർച്ച ചെയ്യും. എല്ലാ കടകളും തുറക്കാൻ അനുവദിക്കണമെന്ന വ്യാപാരികളുടെ ആവശ്യം ശക്തമാണ്. വിഷയം മന്ത്രിസഭായോഗം പരിഗണിക്കും.

സിനിമ ചിത്രീകരണത്തിന് അനുമതി നൽകുന്നതും യോഗം പരിഗണിച്ചേക്കും. ചിത്രീകരണത്തിന് അനുമതി നൽകാത്ത സാഹചര്യത്തിൽ 7 ചിത്രങ്ങളുടെ ഷൂട്ടിങ് ചലച്ചിത്ര പ്രവര്‍ത്തകര്‍ കേരളത്തിന് പുറത്തേക്ക് മാറ്റിയിരുന്നു.