കേരളം ലോഡ്ഷെഡ്ഡിങ്ങിലേക്ക്... - ലോഡ്ഷെഡ്ഡിങ്
ലോഡ്ഷെഡ്ഡിങ്ങ് ഒഴിവാക്കാന്‍ സ്വകാര്യ കമ്പനികളില്‍ നിന്ന് വന്‍ തുകയ്ക്കാണ് നിലവില്‍ കെഎസ്ഇബി വൈദ്യുതി വാങ്ങുന്നത്.
കേരളം ലോഡ്ഷെഡ്ഡിങ്ങിലേക്ക്
ചൂട് കനത്തതോടെ സംസ്ഥാനത്തെ വൈദ്യുതി ഉപയോഗം റെക്കോര്‍ഡ് വേഗത്തില്‍ ഉയര്‍ന്നതിനാല്‍ ലോഡ്ഷെഡ്ഡിങ്ങ് ഏര്‍പ്പെടുത്തിയേക്കുമെന്ന് സൂചന. പുറത്തുനിന്ന് വാങ്ങുന്ന അധിക വൈദ്യുതിക്ക് കര്‍ശന നിയന്ത്രണമേര്‍പ്പെടുത്തിയതും വൈദ്യുതി നിയന്ത്രണത്തിന് വഴിതെളിക്കും. ലോഡ്ഷെഡ്ഡിങ്ങ് ഒഴിവാക്കാന്‍ സ്വകാര്യ കമ്പനികളില്‍ നിന്ന് വന്‍ തുകയ്ക്കാണ് നിലവില്‍ കെഎസ്ഇബി വൈദ്യുതി വാങ്ങുന്നത്. പ്രതിദിനം വേണ്ട വൈദ്യുതിയുടെ അളവ് തലേദിവസം ബംഗളൂരുവിലെ സതേണ്‍ റീജിയണല്‍ ലോഡ് ഡെസ്പാച്ച് സെന്‍ററില്‍ (എസ്ആര്‍എല്‍ഡിസി) അറിയിക്കണം. ഇതിന്‍റെ അടിസ്ഥാനത്തിലാണ് ദേശീയ ഗ്രിഡില്‍ നിന്ന് വൈദ്യുതി ലഭിക്കുക.കൂടുതല്‍ വൈദ്യുതി വേണ്ടി വന്നാല്‍ പരമാവധി 150 മെഗാവാട്ട് വരെ ലഭിക്കും. ഈ നിയന്ത്രണം മറികടന്നാല്‍ ലക്ഷങ്ങളാണ് പിഴ അടക്കേണ്ടി വരിക.