തിരുവനന്തപുരം: കേന്ദ്ര ഏജൻസികൾക്കെതിരെ പ്രതിഷേധം കടുപ്പിച്ച് എൽഡിഎഫ്. കേരളത്തെ രക്ഷിക്കുക, വികസനം സംരക്ഷിക്കുക എന്നീ ആവശ്യങ്ങൾ ഉന്നയിച്ചാണ് പ്രതിഷേധം സംഘടിപ്പിക്കുന്നത്. സ്വർണക്കടത്ത് അന്വേഷിക്കുന്നതിന് പകരം കേന്ദ്ര ഏജൻസികൾ സംസ്ഥാന സർക്കാരിന്‍റെ വികസന പദ്ധതികൾ സ്‌തംഭിപ്പിക്കാൻ നോക്കുകയാണെന്ന് ഇടതുമുന്നണി ആരോപിച്ചു.
കേന്ദ്ര ഏജൻസികൾക്കെതിരെ പ്രതിഷേധം; എൽഡിഎഫ് ജനകീയ കൂട്ടായ്‌മ ഇന്ന്
സംസ്ഥാന സർക്കാരിന്‍റെ വികസന പദ്ധതികൾ അട്ടിമറിക്കാൻ കേന്ദ്ര ഏജൻസികൾ ആസൂത്രണം നടത്തുന്നു എന്നാരോപിച്ചാണ് ബഹുജന കൂട്ടായ്‌മ സംഘടിപ്പിക്കുന്നത്
കേന്ദ്ര ഏജൻസികൾക്കെതിരെ പ്രതിഷേധം; എൽഡിഎഫ് ജനകീയ കൂട്ടായ്‌മ ഇന്ന്
കെ ഫോൺ, ഇ-മൊബിലിറ്റി, ടോറസ് പാർക്ക്, ലൈഫ് മിഷൻ തുടങ്ങിയ പദ്ധതികളിലെ ഇടപെടലിന്‍റെ തുടർച്ചയാണ് ഇപ്പോൾ കിഫ്ബിയിലും സിഎജി നടത്തുന്നത്. ഇതുവഴി സംസ്ഥാനത്തെ 60,000 കോടിയുടെ വികസനങ്ങൾ നിർത്തിവയ്‌ക്കാനാണ് ശ്രമം. വികസന നേട്ടം എൽഡിഎഫിൽ രാഷ്‌ട്രീയ അനുകൂല സാഹചര്യം ഉണ്ടാക്കുമെന്ന് ഭയന്നാണ് യുഡിഎഫ്-ബിജെപി കൂട്ടുകെട്ട് ഇത്തരം പ്രവർത്തനത്തിൽ ഏർപ്പെടുന്നതെന്ന് എൽഡിഎഫ് ആരോപിച്ചു.
സംസ്ഥാനവ്യാപകമായി ബൂത്ത് അടിസ്ഥാനത്തിലാണ് പ്രതിഷേധം സംഘടിപ്പിക്കുന്നത്. പ്രമുഖ ഇടതുനേതാക്കളെല്ലാം വിവിധ കേന്ദ്രങ്ങളിൽ പ്രതിഷേധ സംഗമത്തിൽ പങ്കെടുക്കും.