ലതിക സുഭാഷ് മഹിള കോൺഗ്രസ് സംസ്ഥാന പ്രസിഡന്‍റ് സ്ഥാനം രാജിവെച്ചു

ലതിക സുഭാഷ് കെപിസിസി ആസ്ഥാനത്തിന് മുന്നിൽ തല മുണ്ഡനം ചെയ്ത് പ്രതിഷേധിച്ചു

തിരുവനന്തപുരം: ലതിക സുഭാഷ് മഹിള കോൺഗ്രസ് സംസ്ഥാന പ്രസിഡന്‍റ് സ്ഥാനം രാജിവച്ചു. നിയമസഭാ സ്ഥാനാർഥി പട്ടികയിൽ വനിതകളെ തഴഞ്ഞെന്ന് ചൂണ്ടിക്കാട്ടിയാണ് രാജി. പാർട്ടിക്ക് വേണ്ടി പണിയെടുത്തവർ തഴയപ്പെട്ടന്ന് ലതിക സുഭാഷ് പറഞ്ഞു. താൻ ഏറ്റുമാനൂർ സീറ്റ് ആഗ്രഹിച്ചിരുന്നു. രമണി പി. നായരും തഴയപ്പെട്ടു. സാധാരണ പ്രവർത്തകരുടെ വികാരം മാനിക്കണമെന്ന് ലതിക ആവശ്യപ്പെട്ടു. ലതിക സുഭാഷ് കെപിസിസി ആസ്ഥാനത്തിന് മുന്നിൽ തല മുണ്ഡനം ചെയ്ത് പ്രതിഷേധിച്ചു.