തിരുവനന്തപുരം: മുഖ്യമന്ത്രി പിണറായി വിജയനും കെപിസിസി പ്രസിഡൻ്റ് കെ.സുധാകരനും തമ്മിലുള്ള വാക്പോര് ആരോഗ്യകരമല്ലെന്ന് മുസ്ലീം ലീഗ് നേതാവ് പി.കെ കുഞ്ഞാലിക്കുട്ടി. ജനങ്ങൾ പട്ടിണി കിടക്കുമ്പോൾ ഇത്തരം വിവാദങ്ങൾക്ക് പ്രസക്തിയില്ലെന്നും കുഞ്ഞാലിക്കുട്ടി തിരുവനന്തപുരത്ത് പറഞ്ഞു.
സുധാകരന് ജാഗ്രതക്കുറവ് ഉണ്ടായോ എന്ന് കെപിസിസി തീരുമാനിക്കട്ടെ. ജനങ്ങളെ ബാധിക്കുന്ന നിരവധി പ്രശ്‌നങ്ങളുണ്ട്. ആ ചർച്ചകളുടെ ശ്രദ്ധ തിരിച്ചുവിടുന്നത് ശരിയല്ലെന്നും കുഞ്ഞാലിക്കുട്ടി വിഷയത്തിൽ പ്രതികരിച്ചു.
മുഖ്യമന്ത്രി-കെപിസിസി പ്രസിഡന്‍റ് വാക്പോര് ആരോഗ്യകരമല്ല: പി.കെ കുഞ്ഞാലിക്കുട്ടി