തിരുവനന്തപുരം: കെഎസ്ആർടിസിയുടെ തിരുവനന്തപുരം സെൻട്രൽ യൂണിറ്റിൽ നിന്ന് നാളെ മുതൽ എൻഡ് ടു എൻഡ് ഉൾപ്പെടെയുള്ള പുതിയ സർവീസുകൾ ആരംഭിക്കുന്നു. തിരുവനന്തപുരം-നെടുമ്പാശേരി (എല്ലാ ദിവസവും), തിരുവനന്തപുരം-ഹൈക്കോടതി (എല്ലാ ദിവസങ്ങളിലും), തിരുവനന്തപുരം-വണ്ടർല (എല്ലാ അവധി ദിവസങ്ങളിലും), തിരുവനന്തപുരം-പാലക്കാട് (വെള്ളി, ഞായർ ദിവസങ്ങളിൽ), തിരുവനന്തപുരം-ഗുരുവായൂർ (വെള്ളി, ശനി ദിവസങ്ങളിൽ) എന്നീ സർവീസുകളാണ് നാളെ മുതൽ ആരംഭിക്കുന്നത്. തിരുവനന്തപുരം-നെടുമ്പാശേരി സർവീസ് കൊല്ലം(അയത്തിൽ)- ആലപ്പുഴ(കൊമ്മാടി)-വൈറ്റില-ആലുവ-അത്താണി എന്നീ റൂട്ടിലൂടെയാണ് സർവീസ് നടത്തുക.
കെഎസ്‌ആര്‍ടിസിയില്‍ എന്‍ഡ് ടു എന്‍ഡ് ഉള്‍പ്പെടെ അഞ്ച് പുതിയ സര്‍വീസുകള്‍ നാളെ മുതല്‍ - വണ്ടർല സർവീസ്
തിരുവനന്തപുരത്ത് നിന്നും നെടുമ്പാശേരി, ഹൈക്കോടതി, വണ്ടര്‍ല, പാലക്കാട്, ഗുരുവായൂര്‍ എന്നീ സര്‍വീസുകളാണ് കെഎസ്‌ആര്‍ടിസി നാളെ മുതല്‍ ആരംഭിക്കുന്നത്
കെഎസ്‌ആര്‍ടിസിയില്‍ പുതിയ സര്‍വീസുകള്‍
തിരുവനന്തപുരത്ത് നിന്ന് വൈകിട്ട് 5.10ന് പുറപ്പെട്ട് 10.10ന് നെടുമ്പാശേരിയിലെത്തും. അവിടെ നിന്ന് രാവിലെ 4.15ന് പുറപ്പെട്ട് 9.15ന് തിരുവനന്തപുരത്തെത്തും. തിരുവനന്തപുരം-ഹൈക്കോടതി സർവിസ് രാവിലെ 5.10ന് പുറപ്പെട്ട് 9.40ന് ഹൈക്കോടതിയിലെത്തും. വൈകിട്ട് 5.10ന് അവിടെ നിന്ന് തിരിക്കുന്ന ബസ് രാത്രി 9.40ന് തിരുവനന്തപുരത്തെത്തും. കൊല്ലം(അയത്തിൽ)-ആലപ്പുഴ(കൊമ്മാടി)-വൈറ്റില റൂട്ടിലാണ് സർവീസ്.
തിരുവനന്തപുരം-വണ്ടർല സർവീസ് രാവിലെ 5.10ന് പുറപ്പെട്ട് 10.20ന് വണ്ടർലയിൽ എത്തുന്ന തരത്തിലാണ് ക്രമീകരിച്ചിരിക്കുന്നത്. വൈകിട്ട് 5.10ന് തിരിച്ച് രാത്രി 10.10ന് തിരുവനന്തപുരത്തെത്തും. കോട്ടയം-തൃശൂർ-കോഴിക്കോട് റൂട്ടിലൂടെയാണ് തിരുവനന്തപുരം-പാലക്കാട് സർവീസ് നടത്തുക. രാത്രി 7.30ന് പുറപ്പെട്ട് രാവിലെ 5 മണിക്ക് പാലക്കാട് എത്തും. ഉച്ചയ്ക്ക് 12 മണിക്ക് തിരുവനന്തപുരത്തേക്ക് തിരിക്കുന്ന വിധമാണ് സർവീസ്.