കെഎസ്ആർടിസി ബസ് പാലത്തില്‍ നിന്ന് താഴേക്ക് മറിഞ്ഞു

നെടുമ്പാശ്ശേരിയിൽ നിന്ന് പ്രവാസികളെ തിരുവനന്തപുരത്തെത്തിച്ച ശേഷം മടങ്ങിയ ബസാണ് അപകടത്തിൽപെട്ടത്

തിരുവനന്തപുരം:തിരുവനന്തപുരത്ത് കെഎസ്ആർടിസി ബസ് അപകടത്തിൽപെട്ടു. മണ്ണന്തലക്ക് സമീപം മരുതൂരിൽ ബസ് പാലത്തിൽ നിന്ന് താഴേക്ക് മറിയുകയായിരുന്നു.

നെടുമ്പാശ്ശേരിയിൽ നിന്ന് പ്രവാസികളെ തിരുവനന്തപുരത്തെത്തിച്ച ശേഷം മടങ്ങിയ ബസാണ് അപകടത്തിൽപെട്ടത്. ബസില്‍ യാത്രക്കാർ ഇല്ലാതിരുന്നതിനാൽ വൻദുരന്തം ഒഴിവായി. ഡ്രൈവർക്കും കണ്ടക്ടർക്കും പരിക്കുണ്ടെങ്കിലും ഗുരുതരമല്ല.