തിരുവനന്തപുരം:കോവളം ബീച്ചിലും സമീപ പ്രദേശങ്ങളിലും നായകള്‍ കൂട്ടത്തോടെ ചാകുന്നതില്‍ ആശങ്കയുയര്‍ത്തി നാട്ടുകാർ. കഴിഞ്ഞ രണ്ടാഴ്ചയ്ക്കിടെ 20 ലധികം നായകളാണ് ബീച്ചിലെ പല സ്ഥലങ്ങളിലായി ചത്തത്. ചെന്നി രോഗത്തിന് സമാനമായ വിറയൽ, ശ്വാസതടസം എന്നീ ലക്ഷണങ്ങള്‍ കാണപ്പെടുന്നവയെയാണ് ചാകുന്നത്.
കോവളം ബീച്ചിലും സമീപ പ്രദേശങ്ങളിലും നായകള്‍ കൂട്ടത്തോടെ ചാകുന്നു.
പ്രദേശത്ത് പലയിടത്തും കൂടുതല്‍ നായകളെ അവശനിലയില്‍ കണ്ടെത്തിയിട്ടുണ്ട്. രോഗ ലക്ഷണം കാണിച്ച്, രണ്ടുദിവസത്തിനകം ചാവുകയാണ് പതിവ്. വായുവിലൂടെ പകരുന്ന വൈറസ് ബാധയാണ് രോഗത്തിന് കാരണമെന്നാണ് മൃഗസംരക്ഷണ വിഭാഗം അധികൃതർ പറയുന്നത്.