തിരുവനന്തപുരം:ഓര്‍ഡിനന്‍സുകള്‍ ഒപ്പിടാതെ സര്‍ക്കാറിനെ സമ്മര്‍ദത്തിലാക്കുന്ന ഗവര്‍ണര്‍ ആരിഫ് മുഹമ്മദ് ഖാന്‍റെ നടപടി ജനാധിപത്യ വിരുദ്ധമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്‌ണന്‍. പബ്ലിക് ഹെല്‍ത്ത് ബില്‍ അടക്കം തടഞ്ഞു വച്ചിരിക്കുകയാണ്. ഓര്‍ഡിനന്‍സുകളില്‍ ചിലത് വായിക്കാന്‍ കഴിഞ്ഞില്ലെന്നാണ് ഗവര്‍ണര്‍ പറയുന്നത്. ഇവയെല്ലാം നേരത്തെ പാസാക്കിയതാണ്.
ഗവര്‍ണറുടെ നടപടി ജനാധിപത്യ വിരുദ്ധമെന്ന് കോടിയേരി
ഇത് സാധാരണ നിലയില്‍ ഉണ്ടാകാത്ത നടപടിയാണ്. ഇത്തരം സംഭവങ്ങള്‍ ജനാധിപത്യ വ്യവസ്ഥയെ ദുര്‍ബലപ്പെടുത്തും. ഇക്കാര്യത്തില്‍ ദുരൂഹമായ നിലപാടാണ് സര്‍ക്കാര്‍ തീരുമാനിക്കുന്നതെന്നും കോടിയേരി വിമര്‍ശിച്ചു. ഭരണഘടനയ്‌ക്ക്‌ അടിസ്ഥാനമായ തീരുമാനങ്ങളെടുക്കാന്‍ സര്‍ക്കാര്‍ നടപടികളെടുക്കും.