തിരുവനന്തപുരം : കെഎസ്ആർടിസി ഡ്രൈവർമാർക്കും കണ്ടക്‌ടർമാർക്കുമുള്ള കാക്കി യൂണിഫോമിന്‍റെ വിതരണം രണ്ട് മാസത്തിനകം പൂർത്തിയാക്കും (Khaki uniforms for KSRTC employees). കഴിഞ്ഞ ദിവസമാണ് കെഎസ്ആർടിസി ജീവനക്കാരുടെ യൂണിഫോം പഴയതുപോലെ കാക്കിയിലേക്ക് മാറ്റാൻ തീരുമാനിച്ചത്. നിലവിൽ കടും നീല പാന്‍റും നീല ഷർട്ടുമാണ് യൂണിഫോം. ജീവനക്കാർക്ക് സൗജന്യമായാണ് കാക്കി യൂണിഫോം നൽകുന്നത് (Uniform will be provided free).
കേരള ടെക്സ്റ്റെെൽസ് കോർപറേഷൻ ആണ് യൂണിഫോം തയ്ച്ചുനൽകുന്നത് (Kerala Textiles Corporation is providing uniforms). ഇതുസംബന്ധിച്ച കരാർ സർക്കാർ കേരള ടെക്സ്റ്റെെൽസ് കോർപറേഷന് നൽകി. ഒരു ലക്ഷത്തിന്‍റെ ഇരുപത്തിയൊന്നായിരം മീറ്റർ തുണിക്ക് ഓർഡർ നൽകി. നിലവിലെ തീരുമാന പ്രകാരം ജീവനക്കാർക്ക് രണ്ട് ജോഡി കാക്കി യൂണിഫോമുകള്‍ സൗജന്യമായി നൽകും. കെഎസ്ആർടിസി ജീവനക്കാർക്ക് ഇത് ആദ്യമായാണ് യൂണിഫോം സൗജന്യമായി നൽകുന്നത്. യൂണിഫോം വിതരണത്തിന് 3 കോടി രൂപയാണ് ചെലവ്. അതേസമയം കെഎസ്ആർടിസി മെക്കാനിക്കൽ വിഭാഗം ജീവനക്കാർക്കും കെഎസ്ആർടിസി സ്വിഫ്റ്റ് ജീവനക്കാർക്കും നിലവിലെ യൂണിഫോം തന്നെ തുടരും.
കെഎസ്ആർടിസി ബജറ്റ് ടൂറിസം : യാത്രക്കാർക്ക് കുറഞ്ഞ ചെലവിൽ വിനോദസഞ്ചാര കേന്ദ്രങ്ങൾ കാണാൻ അവസരമൊരുക്കി കെഎസ്ആർടിസിയുടെ ബജറ്റ് ടൂറിസം സെൽ നടത്തുന്ന ബജറ്റ് ടൂറിസം പദ്ധതി ഇനി മുതൽ അതിർത്തി കടന്നും സഞ്ചാരം നടത്തും. യാത്രാപ്രേമികൾക്ക് തമിഴ്‌നാട്ടിലെ ഊട്ടി, കർണാടകയിലെ ബെംഗളൂരു എന്നിവിടങ്ങളിലെ പ്രധാന വിനോദസഞ്ചാര കേന്ദ്രങ്ങളിൽ ആസ്വദിക്കാൻ അവസരമൊരുക്കാനുള്ള തയാറെടുപ്പിലാണ് അധികൃതർ. ഇതിനായി ഇരു സംസ്ഥാനങ്ങളുമായുള്ള ചർച്ചകൾ പൂർത്തിയാക്കിയതായി കെഎസ്ആർടിസി ബജറ്റ് ടൂറിസം സെൽ അധികൃതർ അറിയിച്ചു.
ALSO READ:യാത്രകൾ മനോഹരമാകട്ടെ... കെഎസ്ആർടിസിയുടെ ബജറ്റ് ടൂറിസം തമിഴ്‌നാട്ടിലേക്കും കർണാടകയിലേക്കും