തിരുവനന്തപുരം: തിരുവനന്തപുരം മെഡിക്കല്‍ കോളജിലെ ഡോക്‌ടര്‍മാരെ സസ്‌പെന്‍ഡ് ചെയ്‌തതില്‍ പ്രതിഷേധിച്ച് കേരള ഗവണ്‍മെന്‍റ് മെഡിക്കല്‍ കോളജ് ടീച്ചേര്‍സ് അസോസിയേഷന്‍ (കെ.ജി.എം.സി.റ്റി.എ). അവയവമാറ്റ ശസ്ത്രക്രിയ വൈകിയതിനെ തുടര്‍ന്ന് രോഗി മരിച്ച സംഭവത്തിലാണ് യൂറോളജി, നെഫ്രോളജി വിഭാഗം മേധാവിമാരെ സസ്‌പെന്‍ഡ് ചെയ്‌തത്. സര്‍ക്കാര്‍ നടപടിയില്‍ പ്രതിഷേധിച്ച് തിരുവനന്തപുരം മെഡിക്കല്‍ കോളജ് ആശുപത്രി ഒപിക്ക് മുന്നില്‍ ഡോക്‌ടര്‍മാര്‍ പ്രകടനം നടത്തി.
പ്രതിഷേധവുമായി കെ.ജി.എം.സി.റ്റി.എ രംഗത്ത്
വിദഗ്‌ധ സമിതിയുടെ വ്യക്തമായ അന്വേഷണത്തിന് ശേഷം മാത്രം നടപടി സ്വീകരിക്കണമെന്നാവശ്യമാണ് പ്രതിഷേധക്കാര്‍ ഉന്നയിക്കുന്നത്. കണ്ണില്‍ പൊടിയിടുന്നതിനായി എടുത്തുചാടിയുള്ള നടപടി അംഗീകരിക്കാനാകില്ല. സംവിധാനത്തിലെ പിഴവിന് ഡോക്‌ടര്‍മാരെ പഴി ചാരിയിട്ട് കാര്യമില്ലെന്നും കെ.ജി.എം.സി.റ്റി.എ വ്യക്തമാക്കി.