സംസ്ഥാനത്ത് കനത്ത മഴ തുടരും; ഏഴു ജില്ലകളിൽ ഇന്ന് യെല്ലോ അലർട്ട്

വെള്ളിയാഴ്‌ച വരെ മധ്യകേരളത്തിലും വടക്കൻ കേരളത്തിലും യെല്ലോ അലർട്ട് പ്രഖ്യാപിച്ചിരിക്കുകയാണ്

തിരുവനന്തപുരം: സംസ്ഥാനത്ത് ഒറ്റപ്പെട്ട സ്ഥലങ്ങളിൽ ഇടിമിന്നലോടു കൂടിയ കനത്ത മഴ തുടരും. ഏഴു ജില്ലകളിൽ ഇന്ന് (ജൂൺ 08) യെല്ലോ അലർട്ട് പ്രഖ്യാപിച്ചു. വെള്ളിയാഴ്‌ച വരെ (ജൂൺ 10) മധ്യകേരളത്തിലും വടക്കൻ കേരളത്തിലും യെല്ലോ അലർട്ട് പ്രഖ്യാപിച്ചിട്ടുണ്ട്.

ഇന്ന് കോട്ടയം, എറണാകുളം, ഇടുക്കി, തൃശൂർ, മലപ്പുറം, കോഴിക്കോട്, കണ്ണൂർ ജില്ലകളിലാണ് യെല്ലോ അലർട്ട്. സംസ്ഥാനത്ത് ഇടിമിന്നൽ ജാഗ്രത നിർദേശം ഉണ്ട്. വെള്ളിയാഴ്‌ച വരെ കേരളതീരത്ത് മത്സ്യബന്ധനത്തിന് വിലക്കുണ്ട്.