സംസ്ഥാനത്ത് മഴ ശക്തമാകും; ഇന്ന് എട്ട് ജില്ലകളിൽ യെല്ലോ അലർട്ട്

അറബിക്കടലിൽ നിന്നുള്ള കാലവർഷ കാറ്റ് അനുകൂലമായതിനാലാണ് മഴ ശക്തമാകുന്നത്

തിരുവനന്തപുരം:സംസ്ഥാനത്ത് രണ്ട് ദിവസം കനത്ത മഴയ്‌ക്ക് സാധ്യത. ഇന്ന് എട്ട് ജില്ലകളിൽ യെല്ലോ അലർട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം ജില്ലകളിലാണ് യെല്ലോ അലർട്ട്.

നാളെയോടെ(ജൂണ്‍ 18) മഴ സംസ്ഥാന വ്യാപകമായി ശക്തി പ്രാപിക്കും. നാളെ മുഴുവൻ ജില്ലകളിലും യെല്ലോ അലർട്ട് പ്രഖ്യാപിച്ചിട്ടുണ്ട്. അറബിക്കടലിൽ നിന്നുള്ള കാലവർഷ കാറ്റ് അനുകൂലമായതിനാലാണ് മഴ ശക്തമാകുന്നത്.