ട്രാഫിക് നിയമലംഘനം; റദ്ദാക്കിയത് 17788 ഡ്രൈവിംഗ് ലൈസൻസുകൾ

റോഡ് നിയമങ്ങൾ ലംഘിക്കുന്നവർക്കെതിരെ കർശന നടപടികളാണ് കേരള പൊലീസ് സ്വീകരിക്കുന്നത്

തിരുവനന്തപുരം:സംസ്ഥാനത്ത് വർധിച്ചുവരുന്ന റോഡപകടങ്ങൾ കുറയ്ക്കുന്നതിന്‍റെ ഭാഗമായി റോഡ് നിയമങ്ങൾ ലംഘിക്കുന്നവർക്കെതിരെ കർശന നടപടികളാണ് കേരള പൊലീസ് സ്വീകരിക്കുന്നത്. ട്രാഫിക് നിയമങ്ങൾ പാലിക്കുന്നതിൽ ഗുരുതര വീഴ്ച വരുത്തിയ 17788 പേരുടെ ഡ്രൈവിംഗ് ലൈസൻസുകൾ മോട്ടോർ വാഹനവകുപ്പ് റദ്ദാക്കി.

കഴിഞ്ഞ വർഷം കേരളത്തിൽ 40181 റോഡപകട കേസുകളാണ് രജിസ്റ്റർ ചെയ്തത്. ഈ കേസുകളിലായി 4303 പേർ വാഹന അപകടങ്ങളിൽ കൊല്ലപ്പെടുകയും 45458 പേർക്ക് പരുക്കേൽക്കുകയും ചെയ്തു. മരണപ്പെടുന്നവരിലേറെയും ഇരുചക്ര വാഹനയാത്രക്കാരാണ്. 2035 പേരാണ് ഈ വിഭാഗത്തിൽ മരണപ്പെട്ടത്. 18 നും 25 നും ഇടയിൽ പ്രായമുള്ളവരാണ് മരണപ്പെടുന്നവരിൽ ഏറ്റവും കൂടുതൽ.