കേരള ഗവർണർ ആരിഫ് മുഹമ്മദ് ഖാന് കൊവിഡ്

ട്വിറ്ററിലൂടെയാണ് ഗവർണർ ഇക്കാര്യം അറിയിച്ചത്

തിരുവനന്തപുരം: കേരള ഗവർണർ ആരിഫ് മുഹമ്മദ് ഖാന് കൊവിഡ് സ്ഥിരീകരിച്ചു. ഗവർണർ തന്നെയാണ് ട്വിറ്ററിലൂടെ ഇക്കാര്യം അറിയിച്ചത്. ആശങ്കപ്പെടാൻ ഒന്നുമില്ലെന്നും തന്നോടൊപ്പം സമ്പർക്കം പുലർത്തിയവർ നിരീക്ഷണത്തിൽ പോകണമെന്നും ഗവർണർ അഭ്യർഥിച്ചു.

ഔദ്യോഗിക ആവശ്യങ്ങൾക്കായി ഒക്ടോബർ 30ന് ഡൽഹിയിൽ പോയ ഗവർണർ ഇന്നലെയാണ് രാജ്ഭവനിൽ മടങ്ങി എത്തിയത്. ശാരീരികാസ്വസ്ഥ്യത്തെ തുടർന്ന് നടത്തിയ പരിശോധനയിലാണ് ഗവർണർക്ക് രോഗം സ്ഥിരീകരിച്ചത്.