'സംസ്ഥാനത്ത് സാമ്പത്തിക പ്രതിസന്ധിയുണ്ട്, പെൻഷൻ പ്രായം ഉയർത്തുന്നത് പരിഗണനയില്ലില്ല' ; കെ.എൻ.ബാലഗോപാൽ

പെൻഷൻ പ്രായം സംബന്ധിച്ച് റിപ്പോർട്ടുകൾ സർക്കാരിന് മുന്നിലുണ്ടെന്നും മന്ത്രി അറിയിച്ചു.

തിരുവനന്തപുരം: പെൻഷൻ പ്രായം ഉയർത്തുന്നത് സംബന്ധിച്ച് സർക്കാർ ഒരു ചർച്ചയും നടത്തിയിട്ടില്ലെന്ന് ധനമന്ത്രി കെ.എൻ.ബാലഗോപാൽ. ഇത് സംബന്ധിച്ച് റിപ്പോർട്ടുകൾ സർക്കാരിന് മുന്നിലുണ്ട്. എന്നാൽ ഇക്കാര്യം ഇപ്പോൾ പരിഗണിക്കുന്നില്ലെന്നും മന്ത്രി പറഞ്ഞു.

കേന്ദ്ര സർക്കാരും മറ്റ് സംസ്ഥാനങ്ങളും ജീവനക്കാരെ നിയമിക്കുന്നില്ല. എന്നാൽ കേരളം ആ നിലയിൽ അല്ല പോകുന്നത്. സംസ്ഥാനത്ത് കാര്യമായ സാമ്പത്തിക പ്രതിസന്ധിയുണ്ട്. കേന്ദ്ര വിഹിതം കിട്ടിയാൽ പ്രതിസന്ധി അവസാനിക്കും.

ജി.എസ്.ടി നഷ്‌ടപരിഹാരം ഉയർത്തണമെന്ന് സർക്കാർ ആവശ്യപ്പെട്ടിട്ടുണ്ട്. 60 ശതമാനം സംസ്ഥാനങ്ങൾക്ക് നൽകണം. ഇത് കേരളത്തിന്‍റെ മാത്രമല്ല വിവിധ സംസ്ഥാനങ്ങളുടെ ആവശ്യമാണ്. 5 വർഷം കൂടി നഷ്‌ടപരിഹാരം നൽകണമെന്നതാണ് സംസ്ഥാനത്തിന്‍റെ ആവശ്യമെന്നും മന്ത്രി വ്യക്തമാക്കി.