തിരുവനന്തപുരം: സംസ്ഥാനത്ത് 41,971 പേര്‍ക്ക് കൂടി കൊവിഡ് സ്ഥിരീകരിച്ചു. ടെസ്റ്റ് പോസിറ്റിവിറ്റി നിരക്ക് 28.25 ആണ്. 38,662 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 2795 പേരുടെ സമ്പര്‍ക്ക ഉറവിടം വ്യക്തമല്ല. 127 ആരോഗ്യ പ്രവര്‍ത്തകര്‍ക്കും രോഗം ബാധിച്ചു. രോഗം സ്ഥിരീകരിച്ചവരില്‍ 387 പേര്‍ സംസ്ഥാനത്തിന് പുറത്ത് നിന്നും വന്നവരാണ്. ഇന്ന് 64 മരണങ്ങളാണ് കൊവിഡ് മൂലമാണെന്ന് സ്ഥിരീകരിച്ചത്. ഇതോടെ ആകെ മരണം 5746 ആയി. 27,456 പേർ രോഗമുക്തി നേടി. ഇതോടെ 4,17,10 പേരാണ് ഇനി ചികിത്സയിലുള്ളത്. 24 മണിക്കൂറിനിടെ 1,48,546 സാമ്പിളുകളാണ് പരിശോധിച്ചത്.
യുകെ, സൗത്ത് ആഫ്രിക്ക, ബ്രസീല്‍ എന്നീ രാജ്യങ്ങളില്‍ നിന്നും വന്ന ആര്‍ക്കും തന്നെ കഴിഞ്ഞ 24 മണിക്കൂറിനകം കൊവിഡ് സ്ഥിരീകരിച്ചില്ല. അടുത്തിടെ യുകെ (115), സൗത്ത് ആഫ്രിക്ക (8), ബ്രസീല്‍ (1) എന്നീ രാജ്യങ്ങളില്‍ നിന്നും വന്ന 124 പേര്‍ക്കാണ് ഇതുവരെ കൊവിഡ് സ്ഥിരീകരിച്ചത്. ഇവരില്‍ 114 പേരുടെ പരിശോധനാഫലം നെഗറ്റീവായി. ആകെ 11 പേരിലാണ് ജനിതക വകഭേദം വന്ന വൈറസിനെ കണ്ടെത്തിയത്.
രോഗ ബാധിതരുടെ ജില്ല തിരിച്ചുള്ള കണക്ക്
എറണാകുളം- 5492, തിരുവനന്തപുരം- 4560, മലപ്പുറം- 4558, തൃശൂര്‍- 4230, കോഴിക്കോട്- 3981, പാലക്കാട്- 3216, കണ്ണൂര്‍ -3090, കൊല്ലം- 2838, ആലപ്പുഴ- 2433, കോട്ടയം- 2395, കാസര്‍കോട്- 1749, വയനാട്- 1196, പത്തനംതിട്ട- 1180, ഇടുക്കി- 1053 എന്നിങ്ങനെയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.
സമ്പർക്ക രോഗബാധിതർ
എറണാകുളം- 5305, തിരുവനന്തപുരം- 4271, മലപ്പുറം- 4360, തൃശൂര്‍- 4204, കോഴിക്കോട്- 3864, പാലക്കാട്- 1363, കണ്ണൂര്‍- 2794, കൊല്ലം- 2827, ആലപ്പുഴ- 2423, കോട്ടയം- 2244, കാസര്‍കോട്- 1706, വയനാട്- 1145, പത്തനംതിട്ട- 1137, ഇടുക്കി- 1019 എന്നിങ്ങനെയാണ് സമ്പര്‍ക്കത്തിലൂടെ രോഗം ബാധിച്ചത്.
രോഗം ബാധിച്ച ആരോഗ്യപ്രവർത്തകർ
കണ്ണൂര്‍- 40, കാസര്‍കോട്- 18, എറണാകുളം- 17, തൃശൂര്‍, വയനാട് ഒമ്പത് വീതം, തിരുവനന്തപുരം, പത്തനംതിട്ട 8 വീതം, കൊല്ലം- 6, പാലക്കാട്- 5, കോഴിക്കോട്- 3, ഇടുക്കി- 2, കോട്ടയം മലപ്പുറം ഒന്ന് വീതം ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.
രോഗമുക്തർ
തിരുവനന്തപുരം- 2403, കൊല്ലം- 1412, പത്തനംതിട്ട- 478, ആലപ്പുഴ- 772, കോട്ടയം- 1404, ഇടുക്കി- 316, എറണാകുളം- 4052, തൃശൂര്‍- 1686, പാലക്കാട്- 3487, മലപ്പുറം- 3388, കോഴിക്കോട്- 4991, വയനാട്- 591, കണ്ണൂര്‍- 1856, കാസര്‍കോട്- 620 എന്നിങ്ങനെയാണ് പരിശോധനാ ഫലം ഇന്ന് നെഗറ്റീവായത്.
Also Read:പ്രാദേശിക തലത്തില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കണമെന്ന് മുഖ്യമന്ത്രി
സംസ്ഥാനത്തെ വിവിധ ജില്ലകളിലായി 10,81,007 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 10,50,745 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്‍റൈനിലും 30,262 പേര്‍ ആശുപത്രികളിലും നിരീക്ഷണത്തിലാണ്. 53,324 പേരെയാണ് പുതുതായി നിരീക്ഷണത്തിലാക്കിയത്. ഇന്ന് നാല് പുതിയ ഹോട്ട് സ്‌പോട്ടുകളാണുള്ളത്. ഒരു പ്രദേശത്തേയും ഹോട്ട് സ്‌പോട്ടില്‍ നിന്നും ഒഴിവാക്കിയിട്ടില്ല. നിലവില്‍ ആകെ 788 ഹോട്ട് സ്‌പോട്ടുകളാണുള്ളത്.
