തിരുവനന്തപുരം: ഗവര്‍ണര്‍ ആരിഫ് മുഹമ്മദ് ഖാന്‍റെ ഇപ്പോഴത്തെ നടപടികള്‍ ചായക്കോപ്പയിലെ കൊടുങ്കാറ്റ് മാത്രമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍. ജനാധിപത്യത്തെ അല്ല ഗവര്‍ണര്‍ ഭരണഘടനയെ തന്നെ വെല്ലുവിളിക്കുന്ന നടപടികളാണ് സ്വീകരിക്കുന്നത്. മന്ത്രിമാരെ നിശ്ചയിക്കാനും പിന്‍വലിക്കാനും നിയമസഭ നേതാവായ മുഖ്യമന്ത്രിക്കാണ് അധികാരം.
പ്രതികരണവുമായി കാനം രാജേന്ദ്രന്‍
ഗവര്‍ണര്‍ക്ക് മന്ത്രിമാരെ പിരിച്ചുവിടാന്‍ അധികാരമില്ല. ഗവര്‍ണര്‍ക്ക് അദ്ദേഹത്തിന്‍റെ അധികാരം അറിയില്ല. ഇല്ലാത്ത അധികാരം ഉണ്ടെന്ന് പറയുകയാണ് ഗവര്‍ണര്‍ ചെയ്യുന്നത്. അതുകൊണ്ട് തന്നെ ഗവര്‍ണര്‍ പറഞ്ഞാല്‍ ഉടന്‍ ആരേയും പിരിച്ചു വിടാന്‍ പോകുന്നില്ല.