തിരുവനന്തപുരം : കടയ്ക്കാവൂര്‍ പോക്സോ കേസില്‍ വിശദ അന്വേഷണം അവശ്യപ്പെട്ട് ആരോപണ വിധേയയായ അമ്മ. ഭര്‍ത്താവും പൊലീസും ചേര്‍ന്ന് കേസ് കെട്ടിച്ചമയ്ക്കുകയായിരുന്നു. പരാതിയുടെ ഉറവിടത്തെ കുറിച്ച് അന്വേഷിക്കണം.
സംഭവത്തില്‍ കടയ്ക്കാവൂര്‍ പൊലീസ് സ്റ്റേഷനില്‍ നിന്ന് മോശം അനുഭവമാണുണ്ടായത്. മൂന്നാമത്തെ കുട്ടിയെ വിട്ടുകൊടുത്താല്‍ കേസ് പിന്‍വലിക്കാമെന്നാണ് എസ്ഐ പറഞ്ഞത്. അന്വേഷണം നടത്തിയ ഉദ്യോഗസ്ഥര്‍ക്ക് എതിരെ നടപടി വേണമെന്നും ഇവര്‍ ആവശ്യപ്പെട്ടു.
അതേസമയം, അന്വേഷണ സംഘം കോടതിയില്‍ സമര്‍പ്പിച്ച റിപ്പോര്‍ട്ടില്‍ തുടരന്വേഷണ നടപടികള്‍ അവസാനിപ്പിക്കണമെന്നാണ് ശുപാര്‍ശ. കുട്ടിയുടെ മൊഴികളല്ലാതെ കേസില്‍ മറ്റ് തെളിവുകളില്ല.