കെ-ഫോൺ പദ്ധതിയിൽ അഴിമതി ആരോപണവുമായി കെ.സുരേന്ദ്രൻ

കെ-ഫോൺ പദ്ധതിയിലുള്ള ഊരളുങ്കൽ ലേബർ സൊസൈറ്റിയുടെ ഇടപെടൽ ദുരൂഹമെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രന്‍

തിരുവനന്തപുരം: കെ-ഫോൺ പദ്ധതിയിൽ 500 കോടി രൂപയുടെ ആസൂത്രിത അഴിമതിക്ക് സർക്കാർ ലക്ഷ്യമിടുന്നുവെന്ന് ബിജെപി സംസ്ഥാന അധ്യക്ഷൻ കെ.സുരേന്ദ്രൻ. സിപിഎമ്മുമായി അടുത്ത ബന്ധമുള്ള ഊരളുങ്കൽ ലേബർ സൊസൈറ്റിയുടെ കെ-ഫോൺ പദ്ധതിയിലുള്ള ഇടപെടൽ ദുരൂഹമാണെന്നും സുരേന്ദ്രൻ പറഞ്ഞു.

ശിവശങ്കറും സ്വപ്‌നയും നടത്തിയ അഴിമതികളുടെ പണം എത്തുന്നത് സിപിഎമ്മിലേക്കാണ്. സ്വർണക്കടത്ത് വിഷയം അവരുടെ തലയിലിട്ട് സിപിഎമ്മിന് രക്ഷപ്പെടാൻ ആകില്ല. അവർ ഇതിന്‍റെ ഒരു ഭാഗം മാത്രമാണെന്നും സുരേന്ദ്രൻ ആരോപിച്ചു.