തിരുവനന്തപുരം:സാമൂഹികാഘാത പഠനത്തിനുള്ള കാലാവധി കഴിഞ്ഞിട്ടും വിജ്ഞാപനം പുതുക്കാതെ സംസ്ഥാന സർക്കാർ. പതിനൊന്ന് ജില്ലകളിലെ നിലവിലെ സാമൂഹികാഘാത പഠനത്തിന്‍റെ സ്ഥിതി ജില്ല കലക്‌ടര്‍മാരോട് റവന്യു വകുപ്പ് ചോദിച്ചിരുന്നു. ഈ റിപ്പോര്‍ട്ട് ലഭിച്ച ശേഷം വിജ്ഞാപനം പുതുക്കുന്ന കാര്യമാണ് ആലോചിക്കുന്നത്.
മൂന്ന് മുതല്‍ ആറ് മാസംവരെ സമയം നീട്ടി നല്‍കാനാണ് ആലോചന. ജില്ലകളിലെ സാമൂഹികാഘാത പഠനം പൂര്‍ത്തിയായിട്ടുമില്ല. വിവിധ ഏജന്‍സികള്‍ക്കാണ് സര്‍വെ നടത്തുന്നതിനുള്ള ചുമതല. ഇത്തരം ഏജന്‍സികളുടെ പ്രവര്‍ത്തനം വിലയിരുത്തുന്ന റിപ്പോര്‍ട്ട് കൂടിയാകും ജില്ല കലക്‌ടര്‍മാര്‍ നല്‍കുക.