തിരുവനന്തപുരം: സെക്രട്ടേറിയറ്റിനു മുന്നില്‍ സമരം നടത്തുന്ന പി.എസ്.സി ഉദ്യോഗാര്‍ഥികളുമായി ചര്‍ച്ച നടത്തണമെന്ന സിപിഎം സംസ്ഥാന സെക്രട്ടറിയേറ്റിന്‍റെ നിര്‍ദേശം വൈകി വന്ന വിവേകമാണെന്ന് എഐസിസി ജനറല്‍ സെക്രട്ടറി കെ.സി. വേണുഗോപാല്‍. ഈ തീരുമാനത്തെ സ്വാഗതം ചെയ്യുന്നു. സമരക്കാരുടെ ന്യായമായ ആവശ്യങ്ങള്‍ അംഗീകരിച്ച് തുറന്ന ചര്‍ച്ച വേണം നടത്താന്‍. സിപിഎം നേതാക്കള്‍ നിരവധി തവണ സമരത്തെ അധിക്ഷേപിച്ചിട്ടുണ്ട്. യുഡിഎഫ് സമരത്തെ രാഷ്ട്രീയവത്കരിച്ചിട്ടില്ല. ഹൈജാക്കും ചെയ്‌തിട്ടില്ല. ചര്‍ച്ചയിലൂടെ പരിഹാരം കാണണമെന്നതാണ് നിലപാടെന്നും കെ.സി. വേണുഗോപാല്‍ പറഞ്ഞു.
സിപിഎമ്മിന് വൈകി വന്ന വിവേകമെന്ന് കെ.സി.വേണുഗോപാല്‍