കാത്തിരിപ്പുകേന്ദ്രത്തിലേക്ക് ബസ് ഇടിച്ചു കയറിയ സംഭവം: പരിക്കേറ്റ് ചികിത്സയിലിരുന്നയാൾ മരിച്ചു

ഈഞ്ചപുരി സ്വദേശി സോമൻ നായരാണ് മരിച്ചത്. സംഭവത്തിൽ അഞ്ച് വിദ്യാർഥികൾക്കും പരിക്കേറ്റിരുന്നു.

തിരുവനന്തപുരം:ആര്യനാട് കാത്തിരിപ്പു കേന്ദ്രത്തിലേക്ക് കെഎസ്ആർടിസി ബസ് ഇടിച്ചു കയറിയ സംഭവത്തിൽ പരിക്കേറ്റ പ്രദേശവാസി മരിച്ചു. ഈഞ്ചപുരി സ്വദേശി സോമൻ നായരാണ് മരിച്ചത്.

ആര്യനാട് ഈഞ്ചപുരിയിൽ രാവിലെ ഒമ്പത് മണിയോടെയായിരുന്നു അപകടം. ആര്യനാട് കെഎസ്ആർടിസി ഡിപ്പോയിലെ ബസ് കാത്തിരിപ്പുകേന്ദ്രത്തിലേക്ക് നിയന്ത്രണം തെറ്റി പാഞ്ഞു കയറുകയായിരുന്നു. തലയ്ക്ക് ഗുരുതരമായി പരിക്കേറ്റ സോമൻ നായരെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

സംഭവത്തിൽ അഞ്ച് വിദ്യാർഥികൾക്കും പരിക്കേറ്റിരുന്നു.