സംസ്ഥാനത്ത് ലോട്ടറി വില്പനയിൽ വർധനവ്

കഴിഞ്ഞ സാമ്പത്തിക വർഷം 9034.25 കോടി രൂപയുടെ ലോട്ടറി വിറ്റപ്പോൾ ഈ സാമ്പത്തിക വർഷം അത് 9262.70 കോടി രൂപയായി ഉയർന്നു

തിരുവനന്തപുരം: സംസ്ഥാനത്ത് ലോട്ടറി വില്പനയിൽ വർധനവെന്ന് മുഖ്യമന്ത്രി നിയമസഭയിൽ. മുൻ വർഷത്തേക്കാൾ 228.45 കോടി രൂപയുടെ വർധനവാണ് ലോട്ടറി വില്പനയില്‍ ഉണ്ടായത്. കഴിഞ്ഞ സാമ്പത്തിക വർഷം 9034.25 കോടി രൂപയുടെ ലോട്ടറി വിറ്റപ്പോൾ ഈ സാമ്പത്തിക വർഷം അത് 9262.70 കോടി രൂപയായി ഉയർന്നു. സമ്മാനമായി 4587.70 കോടി രൂപയും ഈ വർഷം നൽകി. കഴിഞ്ഞ സാമ്പത്തിക വർഷം 4,303.17 കോടി രൂപയുടെ സമ്മാനങ്ങളാണ് വിതരണം ചെയ്തതെന്ന് ധനമന്ത്രി ടി.എം തോമസ് ഐസക് രേഖാമൂലം നിയമസഭയെ അറിയിച്ചു. സി ദിവകരന്‍റെ ചോദ്യത്തിനാണ് മുഖ്യമന്ത്രിയുടെ മറുപടി.