തിരുവനന്തപുരം: സിഎജി റിപ്പോർട്ട് പുറത്തുവിട്ട സംഭവത്തിൽ നിലപാടിലുറച്ചു നിൽക്കുന്നുവെന്ന് ധനമന്ത്രി തോമസ് ഐസക്. ഓഡിറ്റ് മാർഗരേഖ സിഎജി ലംഘിച്ചു. ഇക്കാര്യം നിയമസഭ എത്തിക്സ് കമ്മിറ്റിക്കു മുമ്പിൽ വിശദീകരിച്ചിട്ടുണ്ട്. റിപ്പോർട്ടിലെ കിഫ്ബിയുമായി ബന്ധപ്പെട്ട ഭാഗങ്ങൾ സർക്കാരുമായി ചർച്ചചെയ്യാതെയാണ് എഴുതിയിരിക്കുന്നത്. സംസ്ഥാന വികസനത്തെ അട്ടിമറിക്കാനുള്ള ഇടപെടലാണ് ഉണ്ടായത്. ഈ രാഷ്ട്രീയ വെല്ലുവിളി കേരളത്തിലെ പൗരന്മാർ അറിയണം എന്ന ലക്ഷ്യത്തോടെയാണ് റിപ്പോർട്ട് വെളിപ്പെടുത്തിയതെന്നും അദ്ദേഹം വ്യക്തമാക്കി.
സിഎജി റിപ്പോർട്ട് പുറത്തുവിട്ട സംഭവം; നിലപാടിലുറച്ച് ധനമന്ത്രി