കെ.എസ്.ആർ.ടി.സി ബസിൽ ആൾമാറാട്ടം; ഡ്രൈവർ അറസ്‌റ്റിൽ

വഴിമധ്യേയുള്ള പരിശോധനയ്ക്കിടെയാണ് ആഭ്യന്തര വിജിലൻസാണ് ആൾമാറാട്ടം പിടികൂടിയത്

തിരുവനന്തപുരം: കെ.എസ്.ആർ.ടി.സി ബസിൽ ആൾമാറാട്ടം നടത്തിയ ഡ്രൈവറെ വിജിലൻസ് പിടികൂടി. തിരുവനന്തപുരം- മംഗലാപുരം സ്‌കാനിയ ബസിൽ ഡ്യൂട്ടിക്ക് നിയോഗിച്ചിരുന്നയാൾക്ക് പകരം ഡ്യൂട്ടി കഴിഞ്ഞ മറ്റൊരു ജീവനക്കാരനാണ് ബസ് ഓടിച്ചിരുന്നത്.

ഡ്യൂട്ടിക്ക് നിയോഗിച്ച വിജീഷ് എന്ന ഡ്രൈവർ സ്വകാര്യ വാഹനം ഓടിക്കാൻ പോയതുകൊണ്ട് സന്ദീപ് എന്ന ഡ്രൈവറാണ് ബസ് ഓടിച്ചത്. വഴിമധ്യേയുള്ള പരിശോധനയ്ക്കിടെ ആഭ്യന്തര വിജിലൻസാണ് ആൾമാറാട്ടം പിടികൂടിയത്. വീഴ്‌ച വരുത്തിയ ജീവനക്കാരെ സസ്‌പെൻഡ്‌ ചെയ്യാൻ സി.എം.ഡി നിർദേശിച്ചു. കെ.എസ്.ആർ.ടി.സി വിജിലൻസ് എക്സിക്യൂട്ടീവ് ഡയറക്ടർ സംഭവത്തിൽ വിശദമായ അന്വേഷണം നടത്തും.