തിരുവനന്തപുരം: സര്‍ക്കാരിനും ആരോഗ്യ വകുപ്പിനും നാണക്കേടുണ്ടാക്കിയ വൃക്ക മാറ്റിവയ്ക്കല്‍ ശസ്ത്രക്രിയ വിവാദത്തിനു പിന്നാലെ ആരോഗ്യ വകുപ്പ് പ്രിന്‍സിപ്പല്‍ സെക്രട്ടറി രാജന്‍ കോബ്രഗഡെയ്ക്ക് സ്ഥാന ചലനം. ടിങ്കു ബിസ്വാളാണ് പുതിയ ആരോഗ്യ വകുപ്പ് പ്രിന്‍സിപ്പല്‍ സെക്രട്ടറി.
ഐഎഎസ് തലപ്പത്ത് വന്‍ അഴിച്ചുപണി; ആരോഗ്യ വകുപ്പ് പ്രിന്‍സിപ്പല്‍ സെക്രട്ടറിയെ സ്ഥാനത്ത് നിന്ന് മാറ്റി - വൃക്ക മാറ്റിവയ്ക്കല്‍ ശസ്ത്രക്രിയ വിവാദം
ടിങ്കു ബിസ്വാളാണ് പുതിയ ആരോഗ്യ വകുപ്പ് പ്രിന്‍സിപ്പല്‍ സെക്രട്ടറി. ഡോ. വി.വേണുവാണ് പുതിയ ആഭ്യന്തര വകുപ്പ് അഡിഷണല്‍ ചീഫ് സെക്രട്ടറി.
ഐഎഎസ് തലപ്പത്ത് വന്‍ അഴിച്ചുപണി; ആരോഗ്യ വകുപ്പ് പ്രിന്‍സിപ്പല്‍ സെക്രട്ടറിയെ സ്ഥാനത്ത് നിന്ന് മാറ്റി
ജലവിഭവ വകുപ്പ് പ്രിന്‍സിപ്പല്‍ സെക്രട്ടറിയായാണ് രാജന്‍ കോബ്രഗഡെയുടെ നിയമനം. ഡോ. വി.വേണുവാണ് പുതിയ ആഭ്യന്തര വകുപ്പ് അഡിഷണല്‍ ചീഫ് സെക്രട്ടറി.
മറ്റ് പുതിയ നിയമനങ്ങള്‍: ഇഷിതാ റോയ്-ഉന്നത വിദ്യാഭ്യാസ വകുപ്പ് പ്രിന്‍സിപ്പല്‍ സെക്രട്ടറി. കാര്‍ഷികോത്പാദന കമ്മിഷണറുടെ അധിക ചുമതലയും ഉണ്ട്. അലി അസ്‌ഗര്‍ പാഷ-ഭക്ഷ്യ സിവില്‍ സപ്ലൈസ് സെക്രട്ടറി, എന്‍.പ്രശാന്ത്- എസ്‌സി, എസ്‌ടി വകുപ്പ് സ്‌പെഷ്യല്‍ സെക്രട്ടറി, ഷര്‍മിള മേരി ജോസഫ്-തദ്ദേശ ഭരണ വകുപ്പ്(റൂറല്‍), (അര്‍ബന്‍) പ്രിന്‍സിപ്പല്‍ സെക്രട്ടറി, റവന്യൂ വകുപ്പ് അഡിഷണല്‍ ചീഫ് സെക്രട്ടറി ഡോ. എ.ജയതിലകിന് പട്ടിക ജാതി, പട്ടിക വര്‍ഗ പിന്നോക്ക വികസന വകുപ്പിന്‍റെ അധിക ചുമതല കൂടി നല്‍കി.