പിക്കപ്പ് വാൻ ഇടിച്ച് വീട്ടമ്മ മരിച്ചു

വെമ്പായം സ്വദേശി ഓമന (65) ആണ് മരിച്ചത്

തിരുവനന്തപുരം: പിക്കപ്പ് വാനിടിച്ച് വീട്ടമ്മ മരിച്ചു. വെമ്പായം സ്വദേശി ദിവാകരന്‍റെ ഭാര്യ ഓമന (65) ആണ് മരിച്ചത്. വെള്ളിയാഴ്‌ച രാവിലെ എട്ടരയോടെ മംഗലപുരം ചെമ്പകമംഗലം വാലിക്കോണത്ത് വച്ചാണ് അപകടമുണ്ടായത്. വാലിക്കോണം ക്ഷേത്രത്തില്‍ ദർശനം കഴിഞ്ഞ് ഇറങ്ങുന്നതിനിടെ പിറകോട്ട് എടുത്ത പിക്കപ്പ് വാൻ ഓമനയെ ഇടിക്കുകയായിരുന്നു. ഇടിയുടെ ആഘാതത്തിൽ ഗുരുതരമായി പരിക്കേറ്റ ഓമനയെ മെഡിക്കൽ കോളജ് ആശുപത്രിയിൽ എത്തിച്ചെങ്കിലും വൈകിട്ട് മൂന്ന് മണിയോടെ മരണം സംഭവിച്ചു.