തിരുവനന്തപുരം:ഹയര്‍സെക്കന്‍ഡറി പരീക്ഷകളുടെ ടൈംടേബിള്‍ പ്രസിദ്ധീകരിച്ചു (Higher Secondary Exam Time Table Published). വാര്‍ഷിക പരീക്ഷയുടെയും സപ്ലിമെന്‍ററി ഇംപ്രൂവ്‌മെന്‍റ്‌ പരീക്ഷകളുടെയും ടൈംടേബിളാണ് പ്രസിദ്ധീകരിച്ചത്. 2024 മാര്‍ച്ച് 1 മുതല്‍ 26 വരെയാണ് സംസ്ഥാനത്തെ ഹയര്‍ സെക്കന്‍ഡറി വാര്‍ഷിക പരീക്ഷകള്‍ നടക്കുക. രാവിലെ മുതല്‍ ഉച്ചവരെയാണ് പരീക്ഷകള്‍.
വാര്‍ഷിക പരീക്ഷയില്‍ ബയോളജി, മ്യൂസിക് തുടങ്ങി പ്രാക്‌ടിക്കല്‍ ഉള്ള പരീക്ഷകള്‍ക്ക് രാവിലെ 9.30 മുതല്‍ 11.45 വരെയാണ് പരീക്ഷ. ഇംപ്രൂവ്‌മെന്‍റ്‌ /സപ്ലിമെന്‍ററി പരീക്ഷയില്‍ ബയോളജി പരീക്ഷ ഉച്ചക്ക് 2മണി മുതല്‍ 04.25 വരെയും മ്യൂസിക് പരീക്ഷ രാവിലെ 9.30 മുതല്‍ 11.15 വരെയുമാണ് നടക്കുക. ഈ മാസം 25 ന് ആരംഭിക്കാനിരുന്ന ഹയര്‍ സെക്കന്‍ഡറി ഒന്നാം വര്‍ഷ ഇംപ്രൂവ്‌മെന്‍റ്‌/സപ്ലിമെന്‍ററി പരീക്ഷകള്‍ ഒക്ടോബര്‍ 9 മുതല്‍ 13 വരെ നടക്കും.
വാര്‍ഷിക പരീക്ഷയുടെ ടൈംടേബിള്‍
- മാര്‍ച്ച് 1 - ഫിസിക്‌സ്, സോഷ്യോളജി, ആന്ത്രപ്പോളജി
- മാര്‍ച്ച് 5 - ഹോം സയന്‍സ്, ഗാന്ധിയന്‍ സ്‌റ്റഡീസ്, ഫിലോസഫി, ജേണലിസം, കമ്പ്യൂട്ടര്‍ സയന്‍സ്, സ്‌റ്റാറ്റിസ്‌റ്റിക്‌സ്
- മാര്‍ച്ച് 7 - മാക്‌സ്, ത്രീ ലാംഗ്വേജസ്, സംസ്‌കൃതശാസ്ത്ര, സൈക്കോളജി
- മാര്‍ച്ച് 14 - കെമിസ്ട്രി, ഹിസ്‌റ്ററി, ഇസ്ലാമിക് ഹിസ്‌റ്ററി ആന്‍ഡ് കള്‍ച്ചര്‍, ബിസിനസ് സ്‌റ്റഡീസ്, കമ്മ്യൂണിക്കേറ്റീവ് ഇംഗ്ലീഷ്
- മാര്‍ച്ച് 16 - ജോഗ്രഫി, മ്യൂസിക്, സോഷ്യല്‍ വര്‍ക്ക്, ജിയോളജി, അക്കൗണ്ടന്‍സി
- മാര്‍ച്ച് 19 - ബയോളജി, ഇലക്ട്രോണിക്സ്, പൊളിറ്റിക്കല്‍ സയന്‍സ്, സംസ്‌കൃതം, സാഹിത്യം, കമ്പ്യൂട്ടര്‍ ആപ്ലിക്കേഷന്‍, ഇംഗ്ലീഷ് ലിറ്ററേച്ചര്‍
- മാര്‍ച്ച് 21- പാര്‍ട്ട് ഒന്ന് ഇംഗ്ലീഷ്
- മാര്‍ച്ച് 23 - പാര്‍ട്ട് രണ്ട് ലാംഗ്വേജസ്, കമ്പ്യൂട്ടര്‍ സയന്‍സ് ആന്‍ഡ് ഇന്‍ഫര്‍മേഷന്‍ ടെക്‌നോളജി
- മാര്‍ച്ച് 26- ഇക്കണോമിക്, ഇലക്ട്രോണിക്സ് സിസ്‌റ്റം