വ്യാഴാഴ്‌ച വരെ അതിശക്തമായ മഴയെന്ന് മുന്നറിയിപ്പ്

നാല് ജില്ലകളിൽ നാളെ യെല്ലോ അലർട്ട്..

തിരുവനന്തപുരം: സംസ്ഥാനത്ത് നാളെ മുതൽ ശക്തമായ മഴയ്ക്ക് സാധ്യത. വ്യാഴാഴ്‌ച വരെ അതിശക്തമായ മഴയ്‌ക്ക് സാധ്യതയുണ്ടെന്ന് കാലവസ്ഥ നിരീക്ഷണ കേന്ദ്രം അറിയിച്ചു. തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിൽ നാളെ യെല്ലോ അലർട്ടാണ്. മറ്റന്നാൾ ഇടുക്കിയിൽ റെഡ് അലർട്ടും തിരുവനന്തപുരം, കൊല്ലം പത്തനംതിട്ട ജില്ലകളിൽ ഓറഞ്ചും ആലപ്പുഴ, എറണാകുളം കോട്ടയം ജില്ലകളിൽ യെല്ലോ അലർട്ടുമാണ്. തിരുവനന്തപുരത്തും കൊല്ലത്തും ഓറഞ്ചും പത്തനംതിട്ട ,കോട്ടയം, ആലപ്പുഴ, ഇടുക്കി ജില്ലകളിൽ വ്യാഴാഴ്‌ച യെല്ലോ അലർട്ടും പ്രഖ്യാപിച്ചിട്ടുണ്ട്.