മെഡിക്കൽ കോളജിൽ ആരോഗ്യമന്ത്രിയുടെ മിന്നൽ സന്ദർശനം

രാത്രി കാലങ്ങളിൽ മെഡിക്കൽ കോളജിന്‍റെ പ്രവർത്തനം വിലയിരുത്തുന്നതിനായിരുന്നു മന്ത്രി എത്തിയത്

തിരുവനന്തപുരം: മെഡിക്കൽ കോളജിൽ ആരോഗ്യമന്ത്രിയുടെ മിന്നൽ സന്ദർശനം. തിരുവനന്തപുരം മെഡിക്കൽ കോളജിലാണ് രാത്രിയിൽ ആരോഗ്യ മന്ത്രി വീണ ജോർജ്ജ്‌ സന്ദർശനം നടത്തിയത്. രാത്രി 10.30 ന് ശേഷമാണ് സന്ദർശനം നടത്തിയത്.

രാത്രി കാലങ്ങളിൽ മെഡിക്കൽ കോളജിന്‍റെ പ്രവർത്തനം വിലയിരുത്തുന്നതിനായിരുന്നു മന്ത്രി എത്തിയത്. ആദ്യം കാഷ്വാലിറ്റിയിലാണ് മന്ത്രി എത്തിയത്. ഒബ്‌സർവേഷൻ റൂമുകൾ , വാർഡുകൾ എന്നിവയും സന്ദർശിച്ചു.

ആശുപത്രിയിലെത്തിയ രോഗികളുമായും കൂട്ടിരിപ്പുകാരുമായും മന്ത്രി ആശയവിനിമയം നടത്തി. ആദ്യം പലരും ആരോഗ്യമന്ത്രിയെ തിരിച്ചറിഞ്ഞില്ല. ഡ്യൂട്ടിയിലുണ്ടായിരുന്ന ആരോഗ്യ പ്രവർത്തകരുമായി മന്ത്രി ആശയ വിനിമയം നടത്തി.

മൂന്ന് മണിക്കൂറോളം മെഡിക്കൽ കോളജിൽ മന്ത്രി ചെലവഴിച്ചു. രാത്രി 2 മണിയോടെയായിരുന്നു സന്ദർശനം പൂർത്തിയാക്കി മന്ത്രി മെഡിക്കൽ കോളജിൽ നിന്ന് മടങ്ങിയത്.