തിരുവനന്തപുരം : പ്രവാസി നിയന്ത്രണങ്ങളിൽ ഇളവ് അനുവദിച്ചത് മുഖ്യമന്ത്രി പിണറായി വിജയന്‍ തിരികെയെത്തുന്നത് കൊണ്ടാണെന്ന ആരോപണത്തോട് പ്രതികരിക്കാതെ ആരോഗ്യ മന്ത്രി വീണ ജോർജ്. ഇത്തരം കാര്യങ്ങളിലെ രാഷ്ട്രീയ ആരോപണങ്ങൾക്ക് മറുപടി പറയുന്നില്ല. എല്ലാ വശങ്ങളും പരിശോധിച്ച ശേഷമാണ് പ്രവാസികൾക്ക് നിരീക്ഷണത്തിൽ കഴിയുന്നതിൽ ഇളവ് നൽകിയത്.
കേന്ദ്ര സർക്കാർ തന്നെ മാർഗനിർദേശങ്ങള്‍ ലഘുവാക്കിയിരുന്നു. അതുകൊണ്ടാണ് നിരവധി പ്രവാസി സംഘടനകളുടെ ആവശ്യം പരിഗണിച്ചത്. ഇതിനെ വിമർശിക്കുന്നതിനോട് മറുപടി പറയുന്നില്ലെന്നും മന്ത്രി പറഞ്ഞു.
ആരോഗ്യമന്ത്രിയുടെ വാർത്താ സമ്മേളനം