എന്‍ഡോസല്‍ഫാന്‍ ദുരിതബാധിതരുടെ സെക്രട്ടറിയേറ്റിന് മുന്നിലുള്ള സമരത്തെ വിമര്‍ശിച്ച് ആരോഗ്യമന്ത്രി കെ കെ ശൈലജ. കുട്ടികളെ പ്രദര്‍ശിപ്പിച്ചത് ശരിയായില്ല. സമരക്കാരുടെ ആവശ്യങ്ങള്‍ സര്‍ക്കാര്‍ അംഗീകരിച്ചതാണ്. എന്നാൽ സമരം തുടരുന്നതിന്‍റെ ലക്ഷ്യം അറിയില്ലെന്നും ആരോഗ്യ മന്ത്രി പറഞ്ഞു.
എന്‍ഡോസല്‍ഫാന്‍ സമരസമിതിക്കെതിരെ ആരോഗ്യമന്ത്രി
രോഗബാധിതരായ കുട്ടികളെ പ്രദര്‍ശിപ്പിച്ചത് ശരിയായില്ലെന്ന് കെ.കെ ശൈലജ. ഒമ്പത് കുട്ടികളും അവരുടെ രക്ഷിതാക്കളുമടക്കം മുപ്പതംഗ സംഘമാണ് തലസ്ഥാനത്ത് സമരം നടത്തുന്നത്.
എന്‍ഡോസല്‍ഫാന്‍ സമരസമിതി
അതേസമയം, സെക്രട്ടേറിയേറ്റിനു മുന്നിലെ എന്‍ഡോസല്‍ഫാന്‍ ദുരിതബാധിതരുടെ സമരം നാല് ദിവസം പിന്നിടുകയാണ്. അര്‍ഹരായ മുഴുവന്‍ പേരെയും ഇരകളുടെ പട്ടികയില്‍ ഉള്‍പ്പെടുത്തണമെന്നാണ് ആവശ്യം. ഇന്നലെ സര്‍ക്കാര്‍ വിളിച്ച ചര്‍ച്ച പരാജയപ്പെട്ട സാഹചര്യത്തില്‍ സമരം ശക്തമാക്കാനാണ് സമരസമിതിയുടെ തീരുമാനം.നാളെ മുഖ്യമന്ത്രിയുടെ ഔദ്യോഗിക വസതിയിലേക്ക് സങ്കടയാത്ര നടത്തും. വരും ദിവസങ്ങളില്‍ കൂടുതല്‍ അമ്മമാര്‍ സമരത്തിനെത്തുമെന്നാണ് സമരസമിതി വ്യക്തമാക്കുന്നത്.
Last Updated : Feb 2, 2019, 6:08 PM IST