തിരുവനന്തപുരം: ലോക്ക് ഡൗണ്‍ കാലത്ത് സ്വന്തം നാട്ടിലേക്ക് മടങ്ങാൻ അതിഥി തൊഴിലാളികൾ തിരക്കു കൂട്ടുമ്പോഴും കേരളത്തില്‍ തന്നെ തുടരാനാഗ്രഹിക്കുന്ന അതിഥി തൊഴിലാളികളും കുറവല്ല. കേരളം സുരക്ഷിതമാണെന്ന കാഴ്‌ചപ്പാടിനൊപ്പം തൊഴിൽ ലഭ്യതയും ഇവിടെ തുടരാന്‍ പ്രേരിപ്പിക്കുന്നു. നാട്ടിലെത്തിയാൽ തൊഴിൽ ലഭിക്കുക അത്ര എളുപ്പമുള്ള കാര്യമല്ല. ഇവിടെ ലഭിക്കുന്ന ശമ്പളം ലഭിക്കുകയുമില്ല. ഇന്ത്യയിലെ എല്ലാ സംസ്ഥാനങ്ങളിലും കൊവിഡ് ഭീഷണിയുണ്ട്. അതുകൊണ്ടു തന്നെ ജന്മനാടായ അസമിലേക്ക് ഇപ്പോൾ മടങ്ങുന്നില്ലെന്നാണ് തിരുവനന്തപുരത്ത് തൊഴില്‍ തേടിയെത്തിയ കഞ്ചൻ ചന്ദ്ര ദാസ് പറയുന്നത്.
കേരളത്തിന്‍റെ കരുതലും സ്‌നേഹവും; തിരിച്ചുപോകാതെ അതിഥി തൊഴിലാളികൾ