തിരുവനന്തപുരം: പത്താം ക്ലാസുവരെ മലയാളം പഠിച്ചിട്ടില്ലാത്ത സര്‍ക്കാര്‍ ഉദ്യോഗസ്ഥര്‍ ഭാഷാപ്രാവീണ്യം തെളിയിക്കണമെന്ന് മുഖ്യമന്ത്രി പിണറായി വിജയന്‍. ഇതിനായുള്ള നിയമ ഭേദഗതി അവസാന ഘട്ടത്തിലാണെന്നും മുഖ്യമന്ത്രി മലയാളം മിഷന്‍റെ മാതൃഭാഷാ പ്രതിഭ പുരസ്‌കാര വിതരണ ചടങ്ങില്‍ പറഞ്ഞു.
സര്‍വീസില്‍ പ്രവേശിച്ച് നിശ്ചിത കാലയളവില്‍ മലയാള ഭാഷയില്‍ അഭിരുചി തെളിയിക്കണം. ഇതിന്‌ വേണ്ടി പ്രത്യേക പരീക്ഷയും പരിശോധനയും നടത്തും. ജനങ്ങള്‍ക്ക് എല്ലാത്തരം സേവനങ്ങളും ഉറപ്പാക്കാനാണ് ഇത്തരമൊരു നിയമഭേദഗതി.